Шууд Chart

Саудын Арабын газрын тосны байгууламжийг агаараас довтолсон хэрэгт холбоогүй гэв

2019-09-18 12:35:59

Өнгөрөгч бямба гарагт Саудын Арабын газрын тосны байгууламжид агаараас довтолсон. Үүнд АНУ-ын талаас нэрээ нууцалсан эх сурвалжууд Ираны талыг буруутгасан Вашингтоны байр суурийг батлан мэдээлэл өгчээ. Албаны эх сурвалжууд “Халдлагыг Ираны талаас зохион байгуулж, далавчит пуужин алсын удирдлагатай дронууд ашигласан” гэж хэвлэлд ярьсан байна.

Мөн “Пуужингуудыг Персийн булангийн хойд зах, Ираны өмнөд бүсийн нутгаас хөөргөсөн. Саудын агаарын хүчин Иемений талаас довтолж байна гэж бодоод урагш нь чиглүүлээд байсан учраас хойноос довтолсон дрон пуужингуудыг зогсоож чадаагүй” гэж ярьсан байна.

Өнгөрөгч бямба гарагт Саудын Арабын газрын тосны байгууламжид агаараас довтолсон хэргийг Иемений "Хуйти" бүлэг хүлээсэн. Гэвч үүнд Вашингтон Тегераныг илт буруутгаж байгаа бол, Саудын Араб “Халдлагад Ираны зэвсгийг ашигласан гэх урьдчилсан баримт бий” гэж мэдэгдээд байгаа юм. Гэвч Иран улс үүнд холбоогүй гэж няцаасаар байна.

Нийтэлсэн: Mонголын радио

Саудын Арабын газрын тосны байгууламжийг агаараас довтолсон хэрэгт холбоогүй гэв   
Үзсэн: 472 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй