Шууд Chart

Францын үндэсний ассамблэйн дарга байцаагдав

2019-09-18 13:56:11

Франц улсын Үндэсний Ассамблэйн дарга Ричард Феррандаас тус улсын хойд хэсэгт орших Лилль хотод холбогдох албаны хүмүүс Лхагва гарагт 1998-аас 2012 онуудад хийгдсэн үл хөдлөх хөрөнгийн гэрээ хэлэлцээртэй холбоотойгоор байцаалт авжээ.

Ерөнхийлөгч Эммануэль Макронын ойрын хүн гэх Феррандыг хувийн ашиг сонирхолоор шийдвэр гаргасан байж болзошгүй гэж үзэн, албан ёсоор мөрдөн байцаалтыг эхлүүлсэн тухай Францын Би Эф Эм телевиз мэдээллээ.

Ферранд нь 1998 оноос 2012 онуудад Франц улсын баруун хэсгийн томоохон эрүүл мэндийн даатгалын байгууллагыг удридаж байхдаа өөрийн хамтрагчид санхүүгийн хөнгөлөлттэйгөөр түрээсийн гэрээ байгуулсан байж болзошгүй гэж үзэж байгаа юм.

2018 оны 9 дүгээр сараас эхлэн Үндэсний Ассамблэйн даргын албан тушаалыг хашиж эхэлсэн Ферранд нь Ерөнхийлөгч Макроны сонгуулийн компанит ажлыг удирдан явуулж байв. Харин түүнд холбогдох хэргийн талаар тус улсын Засгийн газрын хэвлэлийн төлөөлөгч Сибет Ндаэ ямар нэгэн тодорхой хариулт өгөөгүй байна.


Францын үндэсний ассамблэйн дарга байцаагдав  
Үзсэн: 123 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй