Шууд Chart

Тэрүнофүжи Г.Ган-Эрдэнэ тэргүүлэгчдийн эгнээнд бичигдлээ

2019-09-19 13:07:14

Японы нийслэл Токио хотноо явагдаж буй мэргэжлийн сүмо бөхийн намрын тэмцээний макүшита зиндаанд Монгол Улсын бөх, озэки асан Тэрүнофүжи Г.Ган-Эрдэнэ зургаа дараалан ялж, Чиёонокүнигийн хамт башёг тэргүүлж эхэллээ.

Тэрүнофүжи комүсүби асан Чиёооторид дохёны захад шахагдсан ч сандарч тэвдэлгүй давсан. Барилдааны дараа “Барилдаан сэтгэлд хүрээгүй ч ялж чадлаа. Үзэлцээд өгье гэж бодсон ч өөрийгөө хүчээр тайвшруулсан. Дээд зиндаанд ч барилдаж байлаа. Надтай адилхан гэмтлээр чансаа буурсан бөх” гэж ярьсан байна.

Тэрбээр озэки цолтой 14 башё барилдаж, эзэн хааны цом хүртэж байсан ч өвдөгний гэмтэл, чихрийн шижин өвчний улмаас жонидан хүртэл унаж байлаа. Банцүкэ нь макүшитагийн 27-д бичигдэж байна. Түрүүлэх юм бол макүшитагийн дээд хэсэгт дэвших болно.

Түүнтэй даваа ижил нэг бөх байгаа нь мөн л гэмтлээр унасан Чиёонокүни. Дээд зиндаанд 25, жюүрёод 16 башё барилдсан тэрбээр энэ жилийн нэгдүгээр сарын тэмцээнд гэмтэж, гурван башё барилдаагүй тул макүшитад унаад байгаа юм.

Нийтэлсэн: У.Баярсайхан

Тэрүнофүжи Г.Ган-Эрдэнэ тэргүүлэгчдийн эгнээнд бичигдлээ   
Үзсэн: 498 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй