Шууд Chart

Шинэ ургацын жимс, хүнсний ногоонд нян судлал,цацрагийн тандалт судалгаа хийж байна

2019-09-20 15:57:34

Монгол улсад атар газар эзэмшсэний 60 жилийн хүрээнд “Эрүүл хүнс – Эрүүл Монгол хүн” уриан дор зохион байгуулагдаж байгаа “Намрын ногоон өдрүүд-2019” нэгдсэн арга хэмжээ 2019 оны 09 дүгээр сарын 18-наас 09 дүгээр сарын 24-ний хооронд Мишээл Экспо төв дээр зохион байгуулагдаж байна. Арга хэмжээнд 16 аймгийн 30 сумын 250 гаруй ногоочин, 5 төсөл хөтөлбөр, 20 хоршоо бүлгийн иргэдийн тариалсан төмс хүнсний ногоо, жимс жимсгэнэ, түүж бэлтгэсэн байгалийн жимсэнд Нийслэлийн мэргэжлийн хяналт, Дүүргүүд дэх МХХ-ийн улсын /ахлах/ байцаагчид хяналт тавьж, Нэгдсэн төв лабораторийн явуулын лаборатори түргэвчилсэн шинжилгээг үнэ төлбөргүй хийж ажиллаж байна.

МХЕГ-ын Хүнсний аюулгүй байдлын үндэсний лавлагаа лабораторид 25 гаруй нэр төрлийн төмс, хүнсний ногоо, жимс жимсгэнээс 95 дээж авч пестицидийн үлдэгдэл тодорхойлох, ургамал хорио цээр, нян судлал, шинжилгээнд өгсөн.

Мөн“Скай”, “Мишээл” худалдааны төвийн гаднах талбайн үзэсгэлэн худалдаанд оролцож буй 19 иргэн, аж ахуйн нэгжээс 33 нэр төрлийн төмс, хүнсний ногоо, жимс, жимсгэний дээжийг авч, цацрагийн хяналтын шинжилгээнд хамрууллаа.Лабораторийн шинжилгээний дүн гараагүй, тандалт судалгаа үргэлжилж байна.


Шинэ ургацын жимс, хүнсний ногоонд нян судлал,цацрагийн тандалт судалгаа хийж байна  
Үзсэн: 141 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй