Шууд Chart

Парисийн "төмөр хатагтай"

2019-09-24 10:12:53

Францийн нэрт зохиолч Александр Густав Эйфелийн нэрээр нэрлэгдсэн, бас Парисийн "төмөр хатагтай" ч гэгдэх энэхүү цамхагийг 1887 оны долоодугаар сарын 26-наас барьж эхэлжээ. Түүнийг барихад 700-аад зураг төсөл үйлдэгдэж, 18 мянган хэсэг төмөр хийцийг 2.5 сая ган холбоосоор холбож, сард дунджаар 15 м өндрийн хурдтайгаар хэдэн зуун хүний хөлс хүчээр босгох ажил өрнөсөн бөгөөд 1889 оны тавдугаар сарын 6-нд барьж дуусгасан гэдэг.

Энэхүү цамхаг нь Сена мөрний зүүн эрэгт Марсын талбайд телевизийн антены хамт сүндэрлэдэг бөгөөд 300м өндөртэй 1930 оныг хүртэл дэлхийн хамгийн өндөр байгууламж байжээ. Цамхаг баригдсан цагаасаа эхлээд гайхамшиг гэхээсээ илүү нүдэнд орсон хог мэт нийслэлчүүд төдийгүй нийгмийн нэр хүндтэй зүтгэлтнүүдийн шүүмжлэлийн бай болж байв. Зохиолч Ги Дө Моппассан цамхагт байрлах зоогийн газарт байнга зочлох дуртай байсан бөгөөд уг цамхаг харагдахгүй ганц газар Парист үлдсэн нь энэ хэмээн ёжилдог байжээ. Гэвч XX зууны эхэн үе гэхэд цамхагийн гоо сайхныг магтан дуулах яруу найрагчид, зураачид олширсон бөгөөд 1909 онд цамхагийг нураах төлөвлөгөөтэй байсан боловч радиотелеграфын антенд ашиглахын тулд Эйфелийн цамхаг бүрэн бүтэн үлдсэн гэдэг. Одоогийн байдлаар 200 сая гаруй хүн очиж сонирхсон ба энэ нь дэлхий дээр хамгийн их хүн үзсэн төлбөртэй дурсгалын газар ажээ.

Энэхүү гайхамшигт байгууламж нь гурван давхартай. Цамхаг нийт 10000 тонн жинтэй ба тойргийн хэмжээ 88.3м. Парис хотын хамгийн өндөр барилга болох энэ цамхаг салхинд 6-7 см хэлбэлзэлтэй найгадаг. Долоон жил тутамд нэг удаа зэвэрхээс хамгаалах засвар үйлчилгээнд 50-60 тонн будаг хэрэглэдэг гэсэн тоо баримт бий.


Парисийн "төмөр хатагтай"  
Үзсэн: 1091 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
mn [127.0.0.xxx] 2019-09-25 08:31
Александр Густав Эйфел нь зохион бүтээгч билээ. Цамхагийн дээд давхарт нь түүний баримал байдаг.
Зочин [127.0.0.xxx] 2019-09-24 10:33
Gaihamdhigtai ,zorij irj hurimiin zurag avdag yum bilee

Бидэнтэй нэгдээрэй