Шууд Chart

“Улаанбаатар ММС Энержи” баг дэлхийн аварга боллоо

2019-10-07 08:47:27

Монгол Улсын “Улаанбаатар ММС Энержи” баг ФИБА-гийн энэ улирлын хамгийн сүүлийн дэлхийн гран при Жэжүгийн гранприд түрүүллээ.

Тэд Словений Пиран багийг 13:10 харьцаагаар хожсон юм. Ингэснээр Ази тивийн баг анх удаа дэлхийн гран прид түрүүлж байгаа нь энэ юм.

Манай улсын баг хэсгийн шатанд АНУ-ын Нью-Иорк Харлем багт хожигдсон ч дараагийн тоглолтдоо Инжэ багийг хожиж, хэсгээс хоёрдугаар байраар хасагдах шатанд шалгарсан.

Улмаар Европын хүчирхэг төлөөлөл Сербийн Земун, ОХУ-ын Неваг багыг хожиж аваргын төлөө өрсөлдөх эрхтэй болсон юм.

Тус тэмцээний хамгийн үнэ цэнэтэй тоглогч буюу MVP-гээр “Улаанбаатар ММС Энержи” багийн тоглогч ОУХМ Д.Дэлгэрням шалгарлаа.

Манай баг тэргүүн цомыг өргөснөөр 15 мянган ам.долларын шагналын хамт гардав. Тэд энэ лхагва гарагт эх орондоо ирнэ.

 







Нийтэлсэн: У.Баярсайхан

“Улаанбаатар ММС Энержи” баг дэлхийн аварга боллоо  
Үзсэн: 202 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй