Шууд Chart

"Жипро", "Улаанбаатар Мазаалайнууд" дээд лигийн эрх авлаа

2019-10-08 09:27:01

"Мазала" үндэсний дээд лигийн эрх авахын төлөөх "Мазала 1-р Лиг"-ийн гайхалтай өрсөлдөөн 04-р сарын 28-аас 10-р сарын 06-ны хооронд өрнөлөө.

Шилжин явах цом, Алтан медаль, Мөнгөн шагнал, Дээд Лигийн эрхийг С.Энхбат дасгалжуулагчтай "Жипро" клуб хүртэж, хоёр дахиа үндэсний дээд лигийн босгыг алхаж байна.

Харин Мөнгөн медаль, Мөнгөн шагнал, Дээд Лигийн эрхийг Ц.Энхболдбаатар дасгалжуулагчаар удирдуулсан "Улаанбаатарын Мазаалайнууд" клуб авч, клубийнхээ түүхэн цаг мөчийг сэргээхээр дээд лигийг зорих тасалбар авлаа.

"Мазала" нэгдүгээр лигийн хүрэл медалийг Д.Нанжид дасгалжуулагчтай "ДМЮ" клубийн залуу хөвгүүд энгэртээ зүүлээ. "ДМЮ" клубийн нэгдүгээр лигт өрсөлдсөн энэ багийн дундаж нас ердөө 17.17 байсан хэдий ч дээд лигийн эрх авсан "Мазаалайнууд"-тай адил 37 оноо цуглуулж, хоорондын тоглолтын дүрмээр хүрэл медаль дээр буув.

Дээрх гурван багаас гадна 4-10-р байр эзэлсэн багууд байрлалын дагуу мөнгөн шагналын эрхтэй болж байгаа юм.

Тэмцээний шилдгийн шагналуудыг:

Шилдэг хаалгач:

№1 Б.Буддорж /УБ-ын Мазаалайнууд/

Шилдэг хамгаалагч:

№5 О.Очбаяр /Ховд/

Шилдэг хагас хамгаалагч:

№10 А.Мөнх-Оргил /ДМЮ/

Шилдэг довтлогч:

№10 Б.Намсрай /Соёмбын Барсууд/ 27 гоол

Шилдэг шүүгч:

Э.Нямсайхан /талбайн шүүгч/
Б.Логьшир /туслах шүүгч/ нар тус тус хүртлээ.

 

 













































Нийтэлсэн: У.Баярсайхан

"Жипро", "Улаанбаатар Мазаалайнууд" дээд лигийн эрх авлаа  
Үзсэн: 89 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй