Шууд Chart

Бүсийн математикийн олимпиадын тэргүүлэгчдэд Монголбанкны шилжин явах цом олгоно

2019-10-08 13:02:30

Монголбанк Олон нийтийн санхүүгийн суурь боловсролыг дээшлүүлэх хөтөлбөрийн хүрээнд орон нутагт буй оюуны чадавхийг эрт нээн илрүүлж, хөгжүүлэх, ирээдүйн чадварлаг боловсон хүчний нөөцийг бүрдүүлэхэд дэмжлэг үзүүлэх зорилгоор ерөнхий боловсролын сургуулийн бүсийн математикийн олимпиадыг Монголын математикийн олимпиадын хороотой хамтран жил бүр уламжлал болгон зохион байгуулахаар боллоо.

Монголын математикийн олимпиадын хорооноос 21 аймгийн газар нутгийн байдал, өрсөлдөх чадвар зэргийг харгалзан 4 бүсэд хувааж, бүсийн олимпиадыг 10 дугаар сард улс орон даяар нэгэн зэрэг зохион байгуулдаг болоод  5 дахь жилтэйгээ золгож байгаа юм.

Цаашид бүсийн математикийн олимпиадыг тогтвортой явуулах, нэр хүнд, ач холбогдол, цар хүрээг өргөтгөх чиглэлд Монголбанкнаас хамтран ажиллах бөгөөд бүсдээ тэргүүлсэн аймагт “Монголбанкны Ерөнхийлөгчийн нэрэмжит шилжин явах цом” олгохоор болов.

Бүсийн математикийн 5 дугаар олимпиад энэ сард улс орон даяар зохион байгуулагдах бөгөөд уг үйл ажиллагааг угтан Монголбанкны Ерөнхийлөгч Н.Баяртсайхан өнөөдөр Монголын математикийн олимпиадын хорооны тэргүүлэгчдэд Монголбанкны батламж гардуулж, амжилт хүслээ.


Бүсийн математикийн олимпиадын тэргүүлэгчдэд Монголбанкны шилжин явах цом олгоно  
Үзсэн: 110 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй