Шууд Chart

Санчир хамгийн олон дагуултай гарагаар нэрлэгдлээ

2019-10-09 15:45:04

АНУ-ын сансар судлаачид Санчир гарагийн 20 ширхэг дагуул сарыг шинээр илрүүлээд байгааг мэдэгдлээ. Ингэснээр Санчир гарагийн нийт дагуулын тоо 82 болж, хамгийн олон дагуултай гараг гэж нэрлэгдэж байна. Үүнээс өмнө Бархасбадь гараг хамгийн олон дагуултай гэж үздэг байсан юм. Тус гараг нь нийт 79 дагуултай бол Санчир гарагийн дагуулын тоо ийнхүү илүү болоод байна. Америкийн эрдэмтэд Хавайд байрладаг Субару гэх телескопын тусламжтайгаар Санчир гарагийн шинэ дагуулуудыг илрүүлжээ.

Хоёр ч дагуул Санчирыг бүтэн тойроход 2 жилийг зарцуулдаг бол зарим дагуул гурван жил гаруй хугацааг зарцуулдаг байна. Субару гэх телескопоор 2004 болон 2007 оны хооронд цуглуулсан дата, мэдээллийг илүү дэвшилтэт аргаар  задлан, судалж ийм үр дүнд хүрчээ.

Нийтэлсэн: Moнголын мэдээ

Санчир хамгийн олон дагуултай гарагаар нэрлэгдлээ  
Үзсэн: 598 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй