Шууд Chart

“Би нар” кино олон улсын “Хүүхдийн кино”-ны уралдаант хэсэгт шалгарчээ

2019-10-10 11:38:03

Найруулагч Ж.Сэнгэдоржийн бүтээл “Би нар” уран сайхны кино Германs Дресден хотын 24 дэх “Шлингел” олон улсын кино наадмын “Хүүхдийн кино”-ны уралдаант хэсэгт шалгарчээ.

Харин найруулагч нь МҮОНРТ-ийн захиалгаар хийж буй “Хөнгөвчлөх өрөө” бүрэн хэмжээний уран сайхны киноны ажилтай байгаа тул дээрх уралдаан руу “Би нар” киноны зохиолч, продюсер хоёр явжээ.

Энэхүү кино нь 1990 оноос хойш Монголын нийгэмд болж өрнөсөн үйл явдлууд, техник технологийн хөгжил ялангуяа цахим орчин, компьютер тоглоомын хор хөнөөл бидний хойч үе хүүхэд багачуудад хэрхэн нөлөөлж байгаа, гэр бүл, хүн хоорондын харилцааны үнэ цэнийг харуулахыг зорьжээ.

Нэр нь хүртэл өвөрмөц утга санаатай уг киноны ерөнхий найруулагчаар Ж.Сэнгэдорж, ерөнхий продюсер Х.Пүрэвжаргал, продюсер жүжигчин Өөскө /А.Өнөржаргал/ нар ажилласан байна.

“Би нар” уран сайхны кино нь гурван бүлэгтэй, гурван өөр цаг үеийн амьдралыг харуулах боловч бүлэг бүрийн дүрүүд хоорондоо холбоотой гэдгээрээ онцлог юм.

Нийтэлсэн: У.Баярсайхан

“Би нар” кино олон улсын “Хүүхдийн кино”-ны уралдаант хэсэгт шалгарчээ  
Үзсэн: 630 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй