Шууд Chart

Франц улс шар буурцаг ихээр тариалж байна

2019-10-10 16:38:05

Амазоны ширэнгэн ойг устгахыг эсэргүүцэн Франц улс шар буурцаг ихээр тариалж байна. "Бразил гэх мэт улсуудаас шар буурцагны импорт хийн хараат байхын оронд Европын хөрсөнд шар буурцаг тариалах нь Амазоны ширэнгэн ойг үгүй хийж байгаагийн эсрэг тэмцэхэд тусална" хэмээн Францын Ерөнхийлөгч Эммануэль Макрон хэлсэн байна.

2010-2017 оны хооронд Франц улсад шар буурцаг тариалсан талбайн хэмжээ гурав дахин нэмэгдэж, тариалалт улам нэмэгдсээр байгаа аж. Сүүлийн жилүүдэд ялангуяа өнгөрөгч зун Амазоны ширэнгэн ойд түймэр ихээр гарах болсон нь Францын Ерөнхийлөгч Эммануэль Макрон Бразилын Ерөнхийлөгч Жайр Болсонару нарын маргааны гол сэдэв болсон.

Энэ асуудалтай холбоотойгоор Эммануэль Макрон Европын улсуудыг шар буурцагны төрлийн бүтээгдэхүүн үйлдвэрлэлээр бие даан, хараат бус болохыг уриалсан байна. Гэвч Европын улсуудын энэ төрлийн хэрэгцээг бүтэн хангахын тулд 15 сая га газарт тариалалт хийх хэрэгтэй. Энэ нь Австрали, Бельги, Словени улсуудыг нэгтгэсэн хэмжээний газар нутагтай тэнцэнэ гэж хэвлэлд бичсэн байна.

Европын улсууд жил бүр 33 сая тонн шар буурцгийг гол төлөв АНУ, Бразилаас импортлодог байна. Франц улсад аж ахуй эрхлэгчид малаа шар буурцагны холимог бүхий өвсөөр тэжээдэг байна.  

Нийтэлсэн: Mонголын радио

Франц улс шар буурцаг ихээр тариалж байна  
Үзсэн: 510 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй