Шууд Chart

Коринфийн сувгийг туулсан хамгийн том усан онгоц

2019-10-13 18:00:00

Грекийн Коринфийн суваг хамгийн өргөн хэсэгтээ 25 метр юм байна. Харин энэ усан хоолойг 22 метрийн өргөнтэй аварга усан онгоц туулан гарсан үйл явдал түүхэнд анх удаагаа бүртгэгдлээ.

"Фред Олсен" компанийн “Braemar” гэх аяллын усан онгоцны багийнхан зорчигчдодоо хэзээ ч мартагдахааргүй дурамжийг үлдээж чадлаа гэж олон улсын зарим хэвлэлд онцолсон байна. Нийт 22.5 метрийн өргөнтэй аварга усан онгоц 25 метрийн өргөнтэй усан хоолойг туулах энэ аялал нэлээд эрсдэлтэйд тооцогдож байжээ.

Гэвч 920 гаруй зорчигчтой усан онгоц Грекийн Коринфийн сувгийг амжилттай гатлаж, Коринф болон Сароникийн булангуудыг холбосон хоолойг гатласан хамгийн том усан онгоцоор нэрлэгдээд байгаа юм.

Тэртээ 1893 оноос хойш үйл ажиллагаа явуулж байгаа Фред Олсен компанийн энэхүү аварга усан онгоц 24 мянган тн жинтэй, 195 метрийн урттай юм байна.

Итали болон Афенийн хооронд усаар зорчих аяллыг богиснодог Коринфийн хоолой нь 6.3 метрийн урттай. "Braemar" усан онгоц Коринфийн сувгийг гаталсан үйл явдлыг "Фред Олсен" компанийн 171 жилийн түүхэн дэх хамгийн сэтгэл хөдөлгөсөн аялал гэж нэрлэж байна. 

Нийтэлсэн: Moнголын мэдээ

Коринфийн сувгийг туулсан хамгийн том усан онгоц   
Үзсэн: 681 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-10-16 12:23
6.4 километр урттай суваг гэж байна. Зөв мэдээлэл өгөөч ээ!!!

Бидэнтэй нэгдээрэй