Шууд Chart

Монголын шигшээ баг ээлжит тоглолтоо Киргизтэй хийж ялагдал хүлээв

2019-10-16 09:03:37

Монголын шигшээ баг ДАШТ, Азийн АШТ-ий урьдчилсан шатны "F" хэсгийн дөрөв дэх тоглолтоо Киргизтэй өчигдөр хийж, 1:2-ийн харьцаагаар ялагдал хүлээв.

Эхний хагаст Киргизийн багаас найм дугаартай Гулжигит Алыкулов, 10 дугаартай Мирлан Мурзаев нар гоол оруулж, зочин баг 0:2-оор тэргүүлж эхлэв.

Хоёрдугаар үе эхлээд удаагүй байхад үндэсний шигшээ багийн 19 дугаартай О.Мижиддорж 11 метрийн торгуулийн цохилт авчирч, багийн ахлагч Н.Цэдэнбал амжилттай болгосноор тоо 1:2 болж ойртсон юм.

Тооны харьцаа ойртсоноос хойш манай шигшээгийн довтолгоо сэргэж, Д.Төрбат, А.Дөлгөөн, О.Мижиддорж нар хэд хэдэн аюултай цохилтууд хийсэн ч амжилттай болсонгүй.

Дэлхийн чансаа 86 урд бичигдэж байгаа Киргизтэй хүчтэй өрсөлдөөн үзүүлсэн ч үр дүн эсрэг багийн талд шийдэгдлээ.

Манай улсын үндэсний шигшээ баг дараагийн тоглолтоо ирэх арваннэгдүгээр сарын 19-нд Мьянмарын талбайд хийнэ.

Нийтэлсэн: У.Баярсайхан

Монголын шигшээ баг ээлжит тоглолтоо Киргизтэй хийж ялагдал хүлээв  
Үзсэн: 440 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй