Шууд Chart

“Хэргийн газрын үзлэг, ул мөр, эд мөрийн баримтыг илрүүлэх, бэхжүүлэх” сэдэвт сургалт эхэллээ

2019-10-21 14:17:22

Цагдаагийн ерөнхий газар, Бүгд Найрамдах Хятад Ард Улсын Нийгмийг аюулаас хамгаалах яам болон Өвөр Монголын Өөртөө Засах Орны Нийгмийг аюулаас хамгаалах тэнхимтэй хамтран “Хэргийн газрын үзлэг, ул мөр, эд мөрийн баримтыг илрүүлэх, бэхжүүлэх” сэдэвт сургалт зохион байгуулж байна.

Энэхүү сургалт нь алба хаагчдын мэдлэг, ур чадварыг хөгжүүлэх зорилгоор 2019 оны 10 дугаар сарын 21-25-ны өдрүүдэд Нийслэлийн цагдаагийн удирдах газрын хурлын танхимд зохион байгуулагдах юм.

Ийнхүү сургалтын нээлтэд Цагдаагийн ерөнхий газрын дэд дарга, цагдаагийн хурандаа Ж.Болд, Төлөвлөлт, зохион байгуулалтын хэлтсийн дарга, цагдаагийн хурандаа Б.Гантулга, Соён гэгээрүүлэх, албаны сургалтын хэлтсийн дарга, цагдаагийн хурандаа Д.Долгорсүрэн, Бүгд Найрамдах Хятад Ард Улсын Нийгмийг аюулаас хамгаалах яамны төлөөлөл, Өвөр Монголын Өөртөө Засах Орны Нийгмийг аюулаас хамгаалах тэнхимийн Олон улсын цагдаагийн хамтын ажиллагааны товчооны дэд дарга болон бусад албаны хүмүүс, сургалтад хамрагдаж буй алба хаагчид оролцлоо.

Энэхүү сургалтын үеэр “Хэргийн газрын үзлэг”, “Ул мөр бэхжүүлэх”, “Эд мөрийн баримт цуглуулах” сэдвүүдээр БНХАУ-ын Өвөр Монголын Өөртөө засах орны Нийгмийг аюулаас хамгаалах тэнхимийн сургагч багш нар илтгэл тавих юм.


“Хэргийн газрын үзлэг, ул мөр, эд мөрийн баримтыг илрүүлэх, бэхжүүлэх” сэдэвт сургалт эхэллээ  
Үзсэн: 170 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-10-21 15:19
Зоригийн хэргийн ул мөрийг санаатай балласан хүмүүс улам баяжаад л байж байна. Ардуудын толгойг 20 жил мунхруулж одоо бүр төрийг хутган үймүүлээд байж байнаИйм юмыг хятадад яадаг бол. Эхлээд ийм туршлага судал

Бидэнтэй нэгдээрэй