Шууд Chart

Налайх-Чойрын уулзвар хүртэлх авто замын зорчих хэсгийн хөдөлгөөнийг энэ 29-нд нээнэ

2019-10-21 17:22:04

Гачууртын уулзвараас Налайх-Чойрын уулзвар хүртэлх 20,9 км авто замын зорчих хэсгийн хөдөлгөөнийг 10 дугаар сарын 29-ны өдөр нээхээр ажиллаж байна.

Төслийн хүрээнд 20.9 км авто зам, 38 байршилд ус зайлуулах хоолой, 3 байршилд нүхэн гарц, Хөлийн голын 20.75 у/м гүүр, 5 байршилд явган хүний гүүрэн гарц, явган хүний зам, дугуйн зам баригдахаас 38 байршилд ус зайлуулах хоолой, 3 байршилд нүхэн гарц, Хөлийн голын 20.75 у/м гүүрийн ажлууд бүрэн дуусаад байна.

Авто замын ажлын хүрээнд 85,730 м3 хөрс хуулалтын ажил, 205,800 м3 ухмалын ажил, 568,538 м3 далангийн дүүргэлт, 20.26 км хэсэгт цементээр бэхжүүлсэн суурь, 18,4 км хэсэгт суурь асфальто хучилт хийгдэж, 19 км тусгаарлах хашлага суурилуулаад байна. Үлдсэн 2,5 км авто замын суурийн доод үеийн дүүргэлт, цементээр бэхжүүлсэн суурь үеийн ажлууд хийгдэж байна.

Авто замын зорчих хэсгийн хөдөлгөөнийг суурь асфальто хучилтаар нээж байгаа бөгөөд хөдөлгөөн зохион байгуулалттай холбоотойгоор хэвтээ тэмдэглэлийг ирэх онд өнгө хучилтийн ажлыг хийх хүртэл түр хийж байгаа болно.

Мөн Налайхын чиглэлийн авто замын дагуу Туул гол дээгүүр 282 урт метр, 4 эгнээ зорчих хэсэг, явган зам бүхий Баянзүрхийн шинэ гүүрийн барилгын ажил дуусч, авто замын хамт замын хөдөлгөөнийг нээхээр бэлтгэл ажлыг хангаж байна.

НИЙСЛЭЛИЙН АВТО ЗАМЫН ХӨГЖЛИЙН ГАЗАР


Налайх-Чойрын уулзвар хүртэлх авто замын зорчих хэсгийн хөдөлгөөнийг энэ 29-нд нээнэ  
Үзсэн: 388 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
сануулга [127.0.0.xxx] 2019-10-24 17:36
Зам тээврийн сайд аа!!!! Нийслэлийн зам харгуй хариуцсан түшмэлүүдээ!!!!!!! Налайхын зам орохтой холбогдуулаад анхаарал болгоомжтой замын хөдөлгөөнд оролцох,соёлтой байх,хурд хэтрүүлэхгүй байхыг нийт тээврийн хэрэгсэл жолоодогч нарт анхааруулаарай зам тээврийн осол хийчхээд яах гэж зам барьсан юм бэ? гээд сонин юм яриад байв аа
Зочин [127.0.0.xxx] 2019-10-21 19:34
Zamiin erkhem barilgachidad bayar khurgie. saikhan bna.

Бидэнтэй нэгдээрэй