Шууд Chart

Монгол, Вьетнамын багийн тоглолт өнөөдөр болно

2019-11-06 09:23:38

2020 онд зохион байгуулагдах АХБХ-ны 19 хүртэлх насны АШТ-ий урьдчилсан шатны "J" хэсэгт манай улс багтан өрсөлдөж байгаа билээ. Энэ шатны тоглолтууд маргааш Вьетнам Улсын Хо Ши Мин хотод болох бөгөөд манай улсын 19 хүртэлх насны шигшээ багийн залуус нээлтийн тоглолтоо эзэн багийн эсрэг хийнэ.

Өчигдөр тэмцээний өмнөх хэвлэлийн хурал Хо Ши Мин хотын REX зочид буудлын хурлын танхимд болж, оролцогч дөрвөн багийн ахлах дасгалжуулагч оролцлоо.

Монголын 19 насны шигшээ багийн ахлах дасгалжуулагч Растислав Бозик "Талбайн эзэн орны багийн эсрэг эхний тоглолтоо хийнэ. Энэ тоглолт хүндхэн болно гэдгийг мэдэж байна. Бидэнд довтолгоо бүр, хамгаалалт бүр, бөмбөг бүр, дамжуулалт бүр маш чухал байх болно." хэмээн Вьетнамын эсрэг хийх тоглолтын өмнөх сэтгэгдлээ хуваалцлаа.

Уг тоглолтыг Вьетнамын телевизүүд шууд дамжуулах юм  байна.

Вьетнам -Монгол 2019.11.06 19:00 pm

Монгол -Япон 2019.11.08 16:00 pm

Монгол -Гуам  2019.11.10 16:00 pm

Нийтэлсэн: У.Баярсайхан

Монгол, Вьетнамын багийн тоглолт өнөөдөр болно  
Үзсэн: 401 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй