Шууд Chart

Тагнуулын ерөнхий газраас мэдээлж байна

2019-11-15 09:37:16

Сүүлийн үед хэвлэл мэдээллийн хэрэгсэл болон цахим сайтаар БНХАУ-ын 800 орчим иргэнийг саатуулж, улмаар Монгол Улсаас албадан гаргасан үйл явдалтай холбоотойгоор хууль, хяналтын байгууллагуудаас зориуд худал мэдээлэл нийтэд тараалаа гэх ташаа мэдээлэл түгээж байна.

БНХАУ-ын 800 орчим иргэнтэй холбоотой үйл явдал нь мөнгө угаах болон цахим залилангийн гэмт хэргийн шинжтэй үйлдэл тул ФАТФ-ын зөвлөмжийн хүрээнд  холбогдох төрийн байгууллагууд хуульд заасан үндэслэл журмын дагуу эрүүгийн хэрэг үүсгэн шалгаж байна.

Дээрх үйл явдлын талаар хууль хяналтын байгууллагууд хуулиар зөвшөөрөгдсөн хэмжээнд мэдээ, мэдээлэл өгч ажиллаж байгаа бөгөөд худал, үндэслэлгүй мэдээлэл өгсөн зүйл байхгүй.

Харин хууль хяналтын байгууллагын үйл ажиллагааг санаатайгаар гуйвуулан энэхүү гэмт хэргийн шинжтэй үйлдлийн талаар үндэслэлгүй мэдээлэл түгээж байгаа нь хууль хяналтын байгууллагын үйл ажиллагаанд тэр дундаа мөрдөн шалгах ажиллагаанд нь хөндлөнгөөс оролцсон, саад учруулсан шинжтэй тул дээрх мэдээлэл түгээж буй этгээдийн санаа зорилгыг шалгах асуудал үүснэ.

Энэ асуудлын талаар үнэн зөв мэдээллийг Эрүүгийн хэрэг хянан шийдвэрлэх тухай хуулийн 29.3 дугаар зүйлийн 5, Прокурорын тухай хуулийн 8 дугаар зүйлийн 8.2-т заасны дагуу прокурорын байгууллагын зөвшөөрлөөр хууль хяналтын байгууллагад хандаж авах нь зүйтэй.

ТАГНУУЛЫН ЕРӨНХИЙ ГАЗАР


Тагнуулын ерөнхий газраас мэдээлж байна  
Үзсэн: 8718 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Ме [127.0.0.xxx] 2019-11-15 23:26
ТЕГ мэдээлэл өгдөг, тэр тусмаа ажилаа олон нийтэд тайлагнадаг газар биш штээ. Манайхан яагаад ийм гэнэн, тэнэг бдаг юм бэ!
Зочин [127.0.0.xxx] 2019-11-15 18:51
ФАТФ гэж юу гэсэн үгийн товчлол вэ? Мэдээлэл хүргэх гэж байгаа бол бүх зүйлийг нь ойлгомжтой бичнэ үү! баярлалаа! Энэ доор хариулсан сэтгэгдэл үлдээчихвэл их сайн байна
mchk [127.0.0.xxx] 2019-11-15 20:50
ФАТФ нь - Олон улсын санхүүгийн гэмт хэрэгтэй тэмцэх байгууллага

Бидэнтэй нэгдээрэй