Шууд Chart

15 настнууд Тайванийг зорилоо

2019-11-19 16:25:18

Чөлөөт бөхийн 15 хүртэлх (2004-2006 он) насны Азийн аварга шалгаруулах тэмцээн энэ сарын 22-24-нд Тайваний Тайчунь хотод болно.

Хоёр дахь удаагийн тэмцээнд манай улсаас “Хасу-Мегастарс” клубийн дасгалжуулагч ОУХМ Ш.Баянмөнх, Налайх дүүргийн “Голомт” цогцолбор сургуулийн дасгалжуулагч Э.Батмөнх, Налайх дүүргийн БТСГ-ын дасгалжуулагч М.Кажыхухан нарын удирдлага дор долоон тамирчин оролцохоор Тайванийг зорив.

Тодруулбал, хөвгүүдийн 38 кг-ын жинд А.Анх-Эрдэнэ (Налайх), 48 кг-д Г.Болор-Эрдэнэ (Хасу-Мегастарс), 52 кг-д М.Толуй (Хасу-Мегастарс), 57 кг-д Н.Отгонбаяр (Дорноговь, Зүүнбаян тосгон), охидын 58 кг-д Б.Хоролгарав ( Хасу-Мегастарс), 62 кг-д А.Даваажаргал (Налайх, “Голомт” цогцолбор), 66 кг-д А.Бичигмаа (Дорноговь) нар хүч үзэх юм. Түүнчлэн тус тэмцээнд “Аварга” сургуулийн багш, улсын шүүгч Л.Урианхай дэнслэнэ.

Нийтэлсэн: У.Баярсайхан

15 настнууд Тайванийг зорилоо  
Үзсэн: 117 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй