Шууд Chart

Европын Холбооны шинэ удирдлагууд үүрэгт ажилдаа орлоо

2019-12-03 07:46:54

Европын  Холбооны шинэ удирдлагууд энэ сарын эхний өдрөөс үүрэгт ажилдаа орцгоолоо.  Европын зөвлөлийг Шарль Мишель, тус холбооны засгийн газар гэгддэг Еврокомиссыг Урсула  Фон Дер Ляйен тэргүүлж эхэллээ. Европын Холбооны шинэ удирдлага хууль бус цагаачлал, байгаль экологийн асуудалд гол анхаарлаа хандуулж ажиллахын зэрэгцээ Брексит, АНУ-тай харилцах харилцаа тэдний хувьд гол сорил байхыг шинжээчид тэмдэглэж  байна.

Европын Холбооны түүхэнд анх удаагаа Еврокомиссыг эмэгтэй хүн тэргүүлэх болсон нь Германы  батлан хамгаалахын сайд асан Урсула фон дер Ляйен юм. Түүний удирдлага дор  мөн л  анх удаагаа 27 биш 28 Еврокомиссар ажиллаж эхлээд байна. Мөн Еврокомиссаруудын 15 нь эрэгтэй, 11 эмэгтэй байгаа нь Европт  жендерийн тэгш эрх ихээхэн чухалд тооцогдох болсны  жишээд  орж байна.

Еврокомиссын шинэ тэргүүн өнгөрсөн 7 хоногт багийнхаа үйл ажиллагааны  үндсэн мөрийн хөтөлбөрөө танилцуулсан. Нийт 10 зорилт зорилго тавьж байгаагийн эн тэргүүнд  уур  амьсгалын өөрчлөлттэй тэмцэх асуудал орж байгааг мэдэгдсэн. Энэ хүрээнд шинэ ногоон бодлогоо удахгүй танилцуулахаа илэрхийлсэн. Түүнчлэн тоон эдийн засаг, тоон нийгмийг хөгжүүлэх, жендерийн тэгш  байдлыг хангах,  дэлхийн тавцан дахь Европын үүрэг оролцоог  бэхжүүлэхэд  анхаарч ажиллахаа илэрхийлсэн юм.

Нийтэлсэн: Moнголын мэдээ

Европын Холбооны шинэ удирдлагууд үүрэгт ажилдаа орлоо   
Үзсэн: 290 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй