Шууд Chart

Говьсүмбэр аймгийн 2020 оны төсөв батлагдлаа

2019-12-03 12:40:03

Говьсүмбэр аймгийн ИТХ-ын ээлжит 15 дугаар хуралдаан болж, аймгийн эдийн засаг нийгмийг 2020 онд хөгжүүлэх үндсэн чиглэл болон ирэх оны орон нутгийн төсвийг хэлэлцэн баталлаа.

Тус аймгийн ИТХ-ын хуралдаанаар аймгийн суурь орлогыг 19.6 тэрбум, зарлагыг 19.6 тэрбум, тусгай зориулалтын шилжүүлгийг есөн тэрбум төгрөг байхаар төлөвлөжээ. Аймгийн боловсрол, эрүүл мэнд, хүүхэд хамгаалал, газрын харилцааны салбарын нийт үйл ажиллагааны зардлыг 2019 оныхоос 1830.7 саяар нэмэгдүүлж, аймгийн орон нутгийн хөгжлийн сангийн хөрөнгөөр 2210.3 төгрөгөөр бүтээн байгуулалтын ажил хийхээр тусган нийт 9481 сая төгрөг байхаар тус тус баталлаа.

 2019 онд томоохон бүтээн байгуулалтын ажлууд болох 100 ортой аймгийн Нэгдсэн эмнэлгийн шинэ барилга, Жижиг дунд үйлдвэрлэлийг дэмжих төвийн барилга, Сүмбэр сумын 640 хүүхдийн суудалтай хоёрдугаар сургуулийн барилга, тавдугаар цэцэрлэгийн 150 хүүхдийн хоёр өргөтгөлийн барилгын ажлыг эхлүүлжээ. Эдгээр бүтээн байгуулалтыг 2020 онд ашиглалтанд оруулахаар улсын төсөвт тусгуулсан бөгөөд ажлын явц 50-70 хувьтай явагдаж байгаа гэнэ.

Нийтэлсэн: У.Баярсайхан

Говьсүмбэр аймгийн 2020 оны төсөв батлагдлаа  
Үзсэн: 87 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй