Шууд Chart

“Гүүгл” компани Сингапурт улс төрийн зар сурталчилгааг хоригложээ

2019-12-07 09:00:00

Гүүгл компани Сингапур улсад улс төрийн зар сурталчилгааг хориглосон байна. Харин гүүглийн энэ үйлдэл Сингапурын улс сөрөг хүчний бухимдлыг төрүүлээд байгаа юм.

Сингапурын ээлжит бүх нийтийн сонгууль 2021 оны 4-р сард явагдах ёстой. Гэхдээ тус хот улсад 2020 онд ч сонгууль явагдаж магадгүй байгаа юм. Ийнхүү Сонгуулийн уур амьсгал аль хэдийн ороод байгаа энэ цаг үед Америкийн Гүүгл компани Сингапурт улс төрийн зар сурталчилгааг хориглосон байна. Тус компаниас мэдээлснээр 12-р сарын 02-оос эхлэн улс төрийн сурталчилгааг хүлээн авахаа зогсоожээ.

Харин Сингапурын улс төрийн сөрөг хүчний намууд Гүүглийн үйлдэл сонгогчдын мэдээлэл олж авах эрхийг үл ойшоож байна гэж буруутгалаа. Мөн Ардчилсан намын төлөөлөгчид интернет, нийгмийн сүлжээ сайтууд бол сонгогчдод мэдээллээ хүргэх хамгийн чухал суваг гэдгийг онцолсон байна.  Сингапурын дотоод хэвлэлүүд төрийн хатуу хяналтад байдаг учраас сөрөг хүчний мэдээллээ түгээх боломж нь интернет орчин гэж үзжээ.  Сонирхуулахад өнгөрсөн 10-р сарын эхээр Сингапур хуурамч мэдээллийн эсрэг хуулийг баталсан юм.

Энэ хуулинд нийгмийн сүлжээ сайтад тавигдсан мэдээлэл нийтийн ашиг сонирхлын эсрэг эсвэл хуурмаг гэж үзсэн тохиолдолд төр засгийн  засгийн зүгээс дээрх мэдээллийг засварлах, устгах эрхтэй гэж заажээ.

Нийтэлсэн: Moнголын мэдээ

“Гүүгл” компани Сингапурт улс төрийн зар сурталчилгааг хоригложээ  
Үзсэн: 590 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй