Шууд Chart

Даамын улсын аварга баг тодорлоо

2019-12-09 17:04:02

Монголын даамын холбооны ерөнхийлөгчийн нэрэмжит 2019 оны багийн улсын аварга шалгаруулах тэмцээн энэ сарын 6-8-нд боллоо. Түүнчлэн ДДХМ Г.Гэрэлболд ахлагчтай “Энэрэл-2” баг 10, спортын мастер Д.Чойжилсүрэн ахлагчтай “Сонгодог байрлал-1” баг 9 оноогоор мөнгө, хүрэл медалийн эзэн боллоо. Мөн шагналт IV-V байранд тус бүр 9 оноо авсан СМ Г.Энхтуяа ахлагчтай “ББЖ мастер”, ДДХМ Д.Ганболд ахлагчтай “Энэрэл-1” баг шалгарчээ. Үүнээс гадна түргэн тоглолтын төрөлд мөн л “Ирээдүй”-гийн даамчид 12 оноогоор аваргалж, “давхар цохилт” хийлээ. Мөнгөн медалийг ОУИМ Р.Манлай ахлагчтай “Алтан хүү-1” баг, хүрэл медалийг ОУИМ Д.Эрдэнэбилэг ахлагчтай “Champions” баг хүртэв.

Дашрамд дуулгахад, тэмцээний дүн гарахад уламжлал ёсоор ширээ бүрийн аваргыг тодруулсан бөгөөд хувийн дүнгээр I ширээнд ДДХМ Ц.Сүхбат (Хасу-Мегастарс), II ширээнд СМ Д.Эрдэмбилэг (Ирээдүй), III ширээнд СМ Л.Гансүх (ББЖ мастер), IV ширээнд ДДХМ Б.Нандинцэцэг, V ширээнд ДДХМ Э.Хүслэн (Алтан хүү-1) нар аваргалжээ.



Нийтэлсэн: Т.Болор-Эрдэнэ

Даамын улсын аварга баг тодорлоо  
Үзсэн: 431 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй