Шууд Chart

Ким Жон Ун цөмийн яриа хэлэлцээний талаарх эцсийн шийдвэрээ оны сүүлчээр гаргана

2019-12-10 13:49:52

Умард Солонгосын удирдагч энэ оны сүүлч гэхэд АНУ-тай хийж байгаа цөмийн яриа хэлэлцээний талаарх эцсийн шийдээ гаргана гэж Умардын талын өндөр албаны хүн мэдээлсэн байна. Удирдагч Ким Жон Уны ойрын зөвлөх, Хөдөлмөрчний намын төв хорооны орлогч дарга Ри Су Ённ энэ тухай даваа гарагт мэдэгдэхдээ АНУ-ын Ерөнхийлөгч Дональд Трамп даргынх нь талаар хийсэн мэдэгдлийг дурдан “цаашид том маргаан дэгдээх зүй бус үг хэлээ зогсоо” гэж сануулсан байна.

Ер нь сүүлийн үед Пехнъян, Америкийн талд эгдүүцэл дургүйцлээ ойр ойрхон илэрхийлэх болсныг хэвлэлүүд бичиж байна. Мөн гацаанд орчихоод байгаа цөмийн яриа хэлэлцээгээ урагшлуулахын тулд энэ оны сүүлч гэхэд хориг арга хэмжээнүүдээ цуцла гэж АНУ-ын Ерөнхийлөгчид хугацаа олгоод байгаа юм.

Ингэхдээ Умардын тал өнгөрөгч тавдугаар сараас хойш 13 удаа пуужин туршсан. Өнгөрөгч амралтын өдөр хийсэн туршилтынх нь дараа АНУ-ын Ерөнхийлөгч Дональд Трамп “Умардын удирдагч Ким Жон Ун хэтэрхий ухаалаг. Хэрэв тэр дайсагнасан аргаар яваад байх юм бол алдах юм ихтэй хүн”  гэж ням гарагт "твиттер"" хуудсандаа бичсэн юм.

Нийтэлсэн: Mонголын радио

Ким Жон Ун цөмийн яриа хэлэлцээний талаарх эцсийн шийдвэрээ оны сүүлчээр гаргана  
Үзсэн: 312 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй