Шууд Chart

Испанид хүлэмжийн хийг бууруулах асуудлаарх яриа хэлэлцээ өнөөдрөөс эхэлнэ

2019-12-10 17:10:58

Испанийн Мадрид хотод НҮБ-ын Уур Амьсгалын Өөрчлөлтийн Асуудлаарх Бага Хурал явагдаж байна. Тэгвэл энэ хуралд улс эх орноо төлөөлж оролцож буй сайд нар  хүлэмжийн хийг бууруулах асуудлаарх яриа хэлэлцээг өнөөдрөөс эхлүүлж байна.  

Сайд нарын түвшний энэхүү уулзалтад оролцогчид “Парисын Гэрээ”-г хэрэгжүүлэхэд шаардлагатай дүрэм, журмыг боловсруулах асуудал дээр нэгдсэн байр сууринд хүрэхийг зорьж байна.  Уур амьсгалын өөрчлөлтийн эсрэг “Парисын Гэрээ”  ирэх жилээс мөрдөгдөж эхлэх юм. Испанийн Мадрид хотод болж байгаа сайд нарын түвшний уулзалтын нэгэн чухал асуудал  нь улс орнуудын хүлэмжийн хийн ялгарлаа бууруулсан байдлыг хэрхэн үнэлж, дүгнэх явдал  юм. 

Мөн НҮБ-ын байгууллагад тайлан мэдээгээ хүргэх журмыг боловсруулах асуудлыг мөн хэлэлцэж байна. Хөгжингүй орнууд  илүү чанд хатуу, журмыг батлахыг хүсч байгаа бол хөгжиж буй орнуудыг үүнийг эсэргүүцэж байна. Испанийн Мадрид хотод 12- сарын 3–аас 13-ны хооронд зохион байгуулагдаж байгаа НҮБ-ын Уур Амьсгалын Өөрчлөлтийн Асуудлаарх Бага хуралд 190 гаруй улс орон болон бүс нутгийн төлөөлөгчид оролцож байна.   

Нийтэлсэн: Moнголын мэдээ

Испанид хүлэмжийн хийг бууруулах асуудлаарх яриа хэлэлцээ өнөөдрөөс эхэлнэ  
Үзсэн: 233 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй