Шууд Chart

БНСУ-ын залуу хос Монголд хуримын зурагаа татуулжээ

2019-12-13 09:44:02

Монгол Улсыг өнгөрсөн зун анх удаа зорин ирсэн БНСУ-ын залуу хосын Монгол дахь хуримын зураг авалт саяханаас нийгмийн сүлжээнд олны анхаарлыг татаад байна.

Тэд анх удаа Монголд ирэх үеэрээ хөдөө тал нутагт Монгол үндэсний хувцастайгаар морь унаж хуримын зурагаа авахуулжээ.

Тэдний хуримын зургийг Монгол гэрэл зурагчин Г.Ганбилэг авч, аз жаргалтай мөчийг нь хуваалцаж, хэзээ ч мартагдашгүй дурсамж болгон хадгалан үлдээжээ.

Залуу хос байгалийн үзэсгэлэнт Горхи-Тэрэлж, Цонжинболдог цогцолбор, “XIII зуун” амралтын газарт очиж, гурав хоногийн турш зурагаа авахуулсан гэнэ.

Үзэсгэлэнт гэргий нь Монголд олон улсын гүйлтийн тэмцээнд оролцож, эх орондоо хорт хавдрын өвчнөөр шаналж буй хүүхдүүдэд хандив өргөх зорилготой ирсэн гэдгээ хэлсэн байна. Харин сүйт залуу нь гүйлт болон бодибилдингийн спортоор хичээллэдэг аж.

 















Нийтэлсэн: У.Баярсайхан

БНСУ-ын залуу хос Монголд хуримын зурагаа татуулжээ   
Үзсэн: 5509 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй