Шууд Chart

Хүзүүний яс гэмтэхэд үзүүлэх тусламж

2020-01-14 10:58:50

Хүзүүний яс гэмтэхэд үзүүлэх тусламжийг та бүхэнд хүргэж байна. 

ХҮЗҮҮНИЙ ЯСНЫ ХУГАРАЛД ЧИГ ТАВИХАД АНХААРЧ МӨРДӨХ ЗОХИХ ЗҮЙЛҮҮД.

  1. Чиг хугарлаас дээш, доош 1-2 үе хамарч тавигдана. Жишээ нь: шуу, богтос яс хугарсан байхад тохой бугуйн үеийг бүтэн оруулж бооно. Дунд чөмөг хугарсан бол түнх, өвдөг шагайн үеийг бүтэн оролцуулан чиг тавина.
  2. Крамерийн төмөр утсан болон торон чигийг эрүүл хөлөнд нь тохируулан нугалж хэвшүүлээд дараа нь хөвөн даавуу, хувцсаар жийрэглэн ороож зөөллөнө. Хэрэв банз мод, бусад зүйлээр чиг тавьж байгаа бол даавуу бүтээлэг, дээл, хувцас, орны даавуугаар жийрэглэн гэмтсэн хөлд чиг болгон тавина. Иймд чигийг хувцсан дээрээс нь тавьж болно.
  3. Чигийг хоёр хүн хамжиж тавина. Нэг нь хугарсан мөчийг өргөж нөгөө нь чигийг тохируулан тавих юм.
  4. Чигийг биед тавихдаа үзүүрээс нь их бие тал руу нь чангахан ороож өгнө. Бинтний оронд, хавтгай урт оосор, бүс даавууг хэрэглэж болно. Чиг зөв тавигдсан бол өвдөлт намдаж, биеийн байдал хөнгөрнө.
  5. Шарх үүссэн яс хугарч зөрсөн талд нь чиг тавихгүй байх.
  6. Цус шархнаас гарч байвал, боолт хийсний дараа чиг тавина.
  7. Яс хугарсан үед хувцсыг тэр бүрт тайлах хэрэггүй. Гагцхүү ил хугаралтай шархтай үед боох зорилгоор хувцсыг тэр орчинд нь урж хайчлан ил гаргана.
  8. Хувцсан дээрээс нь чигийг тавих нь хувцас тайлахад үүсэх өвдөлтөөс сэргийлэх ба хувцас зузаан бол чигийг зөөллөн ороох шаардлагагүй болно.

Нуруунд амьдралын чухал эрхтэн нугас байрлаж их бие, хөл, гарыг мэдрэлжүүлж, хөдөлгөөнтэй байлгах гол үүрэгтэй. Ийм учир нуруунууд гэмтэж нугасаа дарвал хөл, гар их бие мэдээгүй, хөдөлгөөнгүй болж, өтгөн шингэн мэдээгүй гардаг. Голдуу сээр, хүзүү бүсэлхийн нугалам гэмтдэг бөгөөд нугасаа дарж гэмтээсэн, гэмтээгүй хугарал гэж ангилан үзнэ. Хүзүүний нугалам яснуудын хугарал. Зуны улиралд усанд өндрөөс үсрэн орох, толгойгоороо хатуу зүйл рүү мөргөх, шахагдах, мотоциклоос ойчих, барилдах үед тохиолдоно. Толгойг хөдөлгөх гэхэд өвдөх, хүзүүний нугаламуудын арын сэртэнгүүдэд дарахад хөндүүрлэх, толгойн оройноос нурууны багана дагуу зөөлөн дарахад их өвддөг. Хэрэв нугас дарж гэмтээвэл хөл, гар мэдээгүй болж өөрөө шээж чадахгүй. Анхны тусламжийг зөв үзүүлэх нь чухал. 

Зураг: 14 . Хугаралд үзүүлэх тусламж, чиг боолт хийх 1. Хүзүүний ясны хугаралд чиг тавих

Хугарал, мултрал тухайн гэмтлийн үед нугас дараагүй байснаа, эвгүй мушгиж хөшиж хөдөлгөснөөс нугасаа дарах аюулд хүргэнэ. Иймд өндийлгөх хөл дээр нь босгох толгойг хоёр тийш эргүүлэх, бөхийлгөх, гэдийлгэх гэж оролдож хэрхэвч болохгүй. Өвчтөнг хатуу дамнуурга, банзтай орон дээр нимгэн гудас тавьж араар нь хэвтүүлнэ. Гэрийн хаалга, хана байж болно. Хувцас болон бусад зүйлээр толгой хүзүүний хоёр талаар тулгуур ивээс хийж өгнө. 

Энэ нь ганхуулахгүй, эргүүлэхгүй, хөдөлгөөнгүй байлгах зорилготой юм. Крамерийн ба тусгай зориулалтын чигийг тавьж болохыг зургаас хараарай. Зөөж тээвэрлэхдээ их бие, хөл, гарыг хатуу банз модонд бэхэлж даруулна. Бас толгойг духан дээгүүр нь даруулж бооно. Өөрөөр хэлбэл, хажуу тийш нь банз модны хамт эргүүлэхэд хөдөлгөхөөргүй байна. 

Эх сурвалж: ГССҮТ


Хүзүүний яс гэмтэхэд үзүүлэх тусламж  
Үзсэн: 289 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй