Шууд Chart

Өгсүүр замд хий эргүүлэхгүй байх 5 арга

2020-01-14 12:35:10

Халтиргаатай одоогийнх шиг замд том, жижиг оврын автомашинтай явна гэдэг бол маш хүнд хэцүү зүйл. Өгсүүр, уруу зам, цасанд хучигдсан дов толгойг давна гэдэг бүр ч хүнд нөхцөлийг үүсгэнэ. Хамгийн гол нь машинаа хүч алдуулалгүй, дугуйгаа хий эргүүлэхгүй, гулгуулахгүйгээр (traction алдахгүйгээр) болгоомжтой өгсөж, буух хэрэгтэй. Ингээд та бүхэндээ хэрэгтэй дараах хэдэн зөвлөгөөг хүргэж байна.


ӨГСҮҮР ЗАМД ХИЙ ЭРГҮҮЛЭХГҮЙ БАЙХ 5 АРГА

Дифференциал цоожлогч залгах: Гулгаатай өгсүүр замд дифференциал түгжигдсэнээр бүх дугуй тэнхлэг болон араатай холбогддог. Үүний үр дүнд өгсөхөд үед нэгэн зэрэг дэмжиж өгөх юм.

Хаазыг жигд өг: Хаазыг аль болох бага, жигд гишгэх хэрэгтэй. Хэт их өгвөл дугуйг хий эргүүлж хүч алдуулах эрсдэлтэй.

Моторын эргэлтийг дундаж эргэлт дээр нь барих: Үр дүнд нь дугуй хий эргэхгүй. Хэрэв хааз өндөр өгч дугуйг огцом хүчтэй эргүүлвэл доороо хийж эргэж гулгаан дээр хөдлөх боломжгүй болдог. Жигд хаазтай явах үеийн дугуй мөстэй гадаргуу дээр харьцахад хөдөлгүүрийн эргэлт ихсэж өгдөг. Энэ үед дугуй мөсөн дээр хий эргэдэг тул хаазыг тухайн үед хасаж өгөөрэй.

Бусдын гаргасан мөрөн дээр явахгүй байх: Гулгаатай өгсүүр замд бусад машины гаргасан мөрөөр явахгүй байх хэрэгтэй. Учир нь бусад автомашинууд замыг илүү гулгаатай, гялаан болгосон байдаг. Шинэ мөр гарган явах нь өгсөхөд илүү хялбар болгоно.

Баруун гар талдаа шахаж явах: Замынхаа баруун гар талыг барьж явбал дугуй илүү зууралттай байдаг. Учир нь замын голын хэсэг илүү гялаантай болсон байдаг. Энэ үедээ хашлага болон замын хажуугаасаа болгоомжилж яваарай.

ГУЛГААТАЙ ЗАМААР УРУУДАХ АРГА

Цаг агаарын хүнд нөхцөлд гулгаатай замаар уруудахад гол баримтлах зарчим нь алгуур, удаан явах юм. Гулгаатай уруу замд, яг л уулын уруу алхаж буй мэтээр алгуур яваарай.

Тоормосыг бага багаар өг. Гар тоормосоо ашигла. Арааг хүндрүүлж буу. Гэхдээ алгуураар буугаарай. Игэснээр та болзошгүй эрсдэлээс сэргийлэх боломжтой. Хэт хурдан явснаар та гулгаж, түүнийгээ засахын тулд хэт рулийг дарах, хэт хүчтэй тоормослох зэргээс бүр ч их асуудалд орж болзошгүй.

Хэт рулийг дарж, хэт хүчтэй тоормослосноор автомашин тэр чигтээ гулсаж болзошгүй байдаг.

Ачаа ихтэй, эсвэл чиргүүлтэй явж байгаа тохиолдолд тоормос гишгэхдээ биетүүд нэг чигт байгаа тохиолдолд л гишгээрэй. Учир нь автомашин хажуу тийш гулгах, чиргүүл хөндөлдөх аюулаас сэргийлэх юм.

Хэрэв механик хурдны хайрцагтай бол араагаа хүнд араанд байгаа чигээр нь тоормосоо гишгээрэй. Араа салгаатай үед дугуй хий эргэж, гулгадаг гэдгийг бүү мартаарай.

 


Өгсүүр замд хий эргүүлэхгүй байх 5 арга   
Үзсэн: 17885 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2020-01-24 23:43
Zuw l zuwulguu b.na.
Зочин [127.0.0.xxx] 2020-01-16 21:04
хааз эигд гэснээ. хаазаа хасах хэрэгтэй нтр арай2 пяз
Жолооны багш [127.0.0.xxx] 2020-01-17 12:43
Шүүмжлэхээсээ өмнө сайн бод...Халтиргаатай замаар явах болон өгсөхдөө хүч алдахааргүй араанд хийгээд хаазаа жигдхэн нэмж явна.Энэ үедээ дугуй хий эргэж эхэлбэл хаазаа бага зэрэг хасч өгнө.Энэ нь хий эргэж байгаа дугуйн халтирахыг багасгаж өгч байгаа юм.Тэгээд дахин зугууханаар хаазаа нэмж урьдах хэмжээгээр явна...Жолоо барина гэдэг бол маш хариуцлагатай ажил шүү...Өөрийн болон өрөөлийн амь нас эд хөрөнгөтэй мөч бүхэнд холбоотой явдаг учир хянуур болгоомжтой хандаж байх ёстой...
Зочин [127.0.0.xxx] 2020-01-15 22:55
Баярлалаа

Бидэнтэй нэгдээрэй