Шууд Chart

Бэлэн мөнгө төлж зорчсон иргэд, мөнгө авсан жолоочийг торгоно

2020-01-14 13:22:33

Нийтийн тээврийн үйлчилгээний газраас автобусанд карт уншуулалгүй, бэлэн мөнгөөр зорчсон иргэн болон зорчигчдоос мөнгө авсан жолоочид хариуцлага тооцож эхэлжээ. Энэ талаар Нийтийн тээврийн үйлчилгээний газрын авто тээврийн хяналтын улсын байцаагч О.Батцоож “Иргэд карт ашиглахгүй, жолоочид бэлэн мөнгө төлж, жолооч мөнгөө хувьдаа ашигласнаар тээврийн төсөв бүрэлдүүлэх мөнгө төвлөрөхгүй байгаа.

Үүнээс улбаалан автобусны засвар, үйлчилгээ, шатахуун, тосны өртөг хүрэлцэхээ больж, өнгөрсөн жил нийтийн тээврийн тоо багасахад нөлөөлсөн. Иймээс “Автобус ирэхгүй байна”, “Хэтэрхий олон хүн байна”, “Атобусанд багтахгүй ажил, хичээлээсээ хоцорч байна” гэх гомдол иргэдээс олон ирсэн тул тээврийн хэрэгслийг хүртээмжтэй байлгаж, тав тухтай зорчих нөхцөл бүрдүүлэхээр хяналт шалгалтын ажлыг эхлүүлээд байна.

Энэ ажлын хүрээнд нийтийн тээврээр бэлэн мөнгө төлж зорчсон иргэд, мөнгө авсан жолоочийг торгох арга хэмжээ авна. Нийтийн тээврийн аж ахуйн нэгжүүдийн хооронд хийсэн гэрээнд жолооч нар иргэдийг бэлэн мөнгөөр зорчуулахгүй байх үүрэгтэй. Үүнийг зөрчвөл жолоочийг Зөрчлийн тухай хуулийн 14.6.9- д зааснаар 25 нэгжтэй тэнцэх хэмжээний мөнгөөр буюу 25 мянган төгрөгөөр, харин мөнгө төлж зорчсон иргэнийг арван мянган төгрөгөөр тус тус торгох арга хэмжээ авна” хэмээн ярьсан байна.


Бэлэн мөнгө төлж зорчсон иргэд, мөнгө авсан жолоочийг торгоно  
Үзсэн: 513 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2020-01-15 23:55
Хөдөөнөөс хотод түр ирж буцах иргэд яах болж байна. 2хонох хооронд карт авалтай биш дээ.мөнгө төлөөд явах нь чирэгдэлгүй юм даа
Sons [127.0.0.xxx] 2020-01-15 11:12
Tiim bol kart tsengeldeg gazruudaa olon bolgo bas tsagt ni ongoilgoj baimaar ymaa oroi tardag ert yvdag ulsuud ni tegeed yaah ym torguulaad bhuu
зочин [127.0.0.xxx] 2020-01-14 23:29
яаж торгох юм автобус бүрт 1 цагдаа л явахгүй юм бол торгуул өгөх хүн олдох уу
zoz [127.0.0.xxx] 2020-01-14 14:49
belen mungur zorchij boldog avtobustai bolgoj ugnu uu
Зочин [127.0.0.xxx] 2020-01-14 14:41
Unuudur mungu awchl bailaa

Бидэнтэй нэгдээрэй