Шууд Chart

Э.Нямжаргал: Хойшлуулалгүйгээр, хүлээлгүйгээр донор болоорой

2020-01-15 12:06:07

23 настай залуухан ээж мөн л цусны доноруудын ач тусыг өөрийн биеэр мэдэрсэн. 2017 оны дөрөвдүгээр сарын 26-нд хүүгээ төрүүлсэн бөгөөд төрсний дараа цус алдсаны улмаас ухаан алджээ. Гурав хоногийн турш босч чадахгүй, арай гэж л хүүгээ хөхүүлж байсан түүнд цус сэлбэснээр тэнхэрсэн байна.

Э.Нямжаргал хэлэхдээ “Цус алдсаны дараа хоол, унд идэж чаддаггүй юм билээ. Ууттай цус гурван ширхгийг сэлбүүлсэн. Цус сэлбүүлээд удаагүй байтал л ходоод хонхолзоод, юм идмээр санагдаад эхэлсэн. Цус сэлбүүлснээс хойш хоёр цагийн дараа гэхэд л сэргээд, босоод ирсэн. Сувилагч маань намайг харчихаад “Өө чи чинь ийм улаа бутарсан царайтай охин байсан юм уу” гэж билээ. Тухайн үед тэнхэлгүйгээс болоод хүүхдээ ч хөхүүлж чадахгүй байсан. Энэ үе л хамгийн хэцүү байлаа. Тэнхэрснийхээ дараа цусны доноруудад маш их баярласан. Миний хувьд цусны донор болохыг хүссэн боловч боломжгүй юм билээ.

Өмнө нь цусны донорын талаар мэддэггүй байсан учраас сургууль дээр “Та донор болоорой” гээд уриалахад нь огт тоодоггүй байлаа. Гэтэл хүний амь авардаг юм байна гэдгийг би өөрийнхөө биеэр туулж мэдсэн. Тиймээс хойшлуулалгүйгээр, хүлээлгүйгээр боломжтой бол цусны донор болоорой гэж хүсмээр байна” гэсэн юм. 

Эх сурвалж: ЦССҮТ


Э.Нямжаргал: Хойшлуулалгүйгээр, хүлээлгүйгээр донор болоорой   
Үзсэн: 151 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй