Шууд Chart

Зөгийн аж ахуй эрхлэгчдэд зөгийн гэр, сэмж гардуулав

2020-01-17 16:04:08

ХХААХҮЯ-ны захиалгаар Азийн хөгжлийн банкны “Хөдөө аж ахуй, хөдөөгийн хөгжлийн төслийн Нэмэлт санхүүжилт” төслийн санхүүжилтээр нийлүүлж буй зөгийн гэр, сэмжийг Хүнс, хөдөө аж ахуй, хөнгөн үйлдвэрийн сайд Ч.Улаан төсөлд оролцогч зөгийн аж ахуй эрхлэгч 12 аж ахуйн нэгжид энэ оны нэгдүгээр сарын 13-ны өдөр гардууллаа.

“Хөдөө аж ахуй, хөдөөгийн хөгжлийн төслийн Нэмэлт санхүүжилт”, “Хөдөө аж ахуйн нэмүү өртгийн сүлжээг дэмжих” техник туслалцааны төслүүдийн үйл ажиллагааны хүрээнд эхний ээлжийн 585 зөгийн гэр, 101 боодол сэмжийг 2019 оны 10 дугаар сард Сэлэнгэ, Орхон, Булган аймгуудын зөгийн аж ахуй эрхлэгчдэд хүлээлгэн өгсөн бол энэ удаад Улаанбаатар хот болон Хэнтий аймгийн зөгийн аж ахуй эрхлэгчдэд 535 зөгийн гэр, 86 боодол сэмжийг гардуулан өгсөн юм. Эдгээр дэмжлэгүүд нь байгалийн нөөцийг ашиглан хүнсний болон эмийн чанартай бүтээгдэхүүн үйлдвэрлэдэг Зөгийн салбарт чухал үр дүнтэй арга хэмжээ болно гэж үзэж байна.

Эх сурвалж: ХХААХҮЯ


Зөгийн аж ахуй эрхлэгчдэд зөгийн гэр, сэмж гардуулав  
Үзсэн: 276 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй