Шууд Chart

Дарханы ЕБС-ийн сурагчдын 1,5 хувь нь хичээлдээ ирээгүй байна

2020-01-21 10:31:34

Томуу, томуу төст өвчний дэгдэлт их байгаатай холбоотойгоор Дархан-Уул аймагт Боловсрол, соёл, шинжлэх ухаан, спортын сайдын тушаал, Засгийн газрын шийдвэрийг үндэслэн ерөнхий боловсролын сургуулийн сурагчдын амралтыг нэгдүгээр сарын 19-нийг дуустал үргэлжлүүлэх, цэцэрлэгүүдийн үйл ажиллагааг түр хугацаанд зогсоох шийдвэр гаргасан билээ. Тэгвэл энэхүү амралт дуусч, энэ сарын 20-ны өдөр сургууль, цэцэрлэгийн хичээл эхэлсэн билээ.

Дархан-Уул аймгийн хувьд өнөөдрийн ирцийн мэдээгээр ЕБС-ийн сурагчдаас 303 хүүхэд өвчтэй хэмээн хичээлдээ ирээгүй байна. Энэ нь нийт сурагчдын 1,5 хувийг эзэлж байгаа юм.

Харин төрийн өмчийн 27 цэцэрлэгийн нийт 7357 хүүхдээс 181 хүүхэд өвчилсөн дүнтэй байна. Энэ нь нийт хүүхдийн 3,5 хувийг эзэлж байна хэмээн Дархан-Уул аймгийн Боловсрол, соёл урлагийн газраас мэдээллээ.


Дарханы ЕБС-ийн сурагчдын 1,5 хувь нь хичээлдээ ирээгүй байна  
Үзсэн: 356 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй