Шууд Chart

Коронавирусийн халдвараас сэргийлэх зөвлөмж

2020-01-22 09:15:28

БНХАУ-ын Хубэй мужийн Үхань хотод гарсан шинэ төрлийн коронавирусын халдварын улмаас уушигны хатгаа өвчин илрээд байна. 2020 оны 1 дүгээр сарын 20-ны өдрийн байдлаар 224 хүн халдвар авсан байх магадлалтай гэж бүртгэгдсэнээс 217 нь шинэ коронавирусээр өвчилсөн болох нь тогтоогдсон бөгөөд уг өвчнөөр 3 хүн нас барсан байна.

Мөн өдрийн байдлаар Үхань хотод 217 хүн, Бээжин хотод 5 хүн, Гуандун мужид 14 хүн халдвар авсан гэж бүртгэгдээд байна. Мөн энэ өвчинтэй адил шинж тэмдэгтэй 7 тохиолдол бүртгэгдээд байгаагаас Сычюань мужид 2, Юньнань мужид 1, Шаньдун мужид 1, Шанхай хотод 2, Гуанши Жуаны ӨЗО-нд 1 илэрсэн байна. Гадаад улсад бүртгэгдсэн тухайн өвчний тохиолдол Японд 1, Тайландад 2, Өмнөд Солонгост 1 байна.

Монгол Улсын Эрүүл мэндийн яамнаас Коронавирусийн халдвараас сэргийлэх талаар дараах зөвлөмжүүдийг гаргасан байна. Үүнд:

1. Гараа сайтар савандаж угаах, халдваргүйжүүлэгч хэрэглэх;
2. Ханиах, найтаах үедээ ам хамраа таглах, амны алчуур хэрэглэх;
3. Мах, өндөгийг гүйцэд болгож идэх;
4. Амьсгалын замын өвчний шинж тэмдэг илэрсэн хүнтэй ойр байхаас зайлсхийх;
5. Мал, тэжээвэр болон зэрлэг амьтантай хүрэлцэхгүй байх;
6. Шүүрхий мах, махан бүтээгдэхүүн идэхгүй байх;
7. Түүхий ус уухгүй байх;
8. Далайн гаралтай хүнсний бүтээгдэхүүнийг сайтар буцалгаж хэрэглэх;
9. Арьс, салстаа гэмтээхгүй байх;
10. Мал, амьтны зах, аж ахуйгаар орохгүй байх;
11. Халдварын эрсдэлтэй бүс нутагт аль болох зорчихгүй, зочин урихгүй байх;
12. Хүн ихээр цугларсан газарт аль болох очихгүй байх;
13. Зэрлэг амьтдын мах, эд эрхтэнг хүнсэнд хэрэглэхгүй байх;
14. Нус, цэрээ ил задгай хаяхгүй байх зэрэг болно.


Коронавирусийн халдвараас сэргийлэх зөвлөмж  
Үзсэн: 13479 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй