Шууд Chart

Японы бага сургуулиудад цэвэрлэгч байдаггүй

2020-02-11 09:52:24

Японы бага сургуулиуд сурагчдаас 10 нас хүртэл нь шалгалт авдаггүй. Учир нь тэд бага насны хүүхдүүд ном зааснаас зөв хүн болгох нь илүү чухал гэж үздэг байна. Тиймээс Японы бага боловсролын системд хичээлээр дамжуулан амьтдыг асрах, хүмүүсийг хүндлэх, байгалийг хайрлахаас эхлээд өөрийгөө хянах, хариуцлагатай, шударга байхын үнэ цэнийг ойлгуулдаг байна. Японы ард түмний баримталдаг 2 гол зарчим бий. Энэ нь хариуцлагатай бөгөөд цэвэрч байдал юм.

Тэд хүн болгон дор дороо орчноо тордвол бүгд сайхан орчинд амьдарч чадна гэж үздэг. Япон хүмүүс ийм менталитигээр хүүхдүүдэд хүндлэх, хариуцлагатай байхыг заадаг. Өөрөөр хэлбэл, цэвэрлэгээ бол хүн болгоны хийх ёстой хариуцлагын асуудал гэдгийг заадаг аж. Тиймээс Японд улсын бага сургуулиуд цэвэрлэгч ажиллуулдаггүй аж.Хүүхдүүд сургууль дээрээ үдийн хоолоо идсэний дараа ширээгээ цэвэрлэж, ус, ундаа, сүүнийхээ савыг дахин боловсруулах цэгт хүргэх ёстой.

Түүнчлэн багш, шавийн харилцааг ойртуулахын тулд тэд үдийн цайгаа хамт идэхийг эрхэмлэдэг гэнэ. Мөн хүүхдүүд ангийнхаа ханыг будах, зүлэг тэгшлэх ажлыг ч хийнэ. Хүүхдүүд багаасаа багаар ажиллаж, байгаль орчноо хайрлаж сурснаар энэ дадал нь насан туршид хадгалагдах болно.

Зарим сургуулиудад сурагчид хүнсэндээ хэрэглэх ногоогоо тарьж, хурааж, өөртөө зориулан эрүүл хоол бэлтгэж иддэг байна. Ийнхүү хүүхдүүдийг ажилд сургаснаар тэд биеэ даах, хариуцлагатай байх, ажлын этиктэй болж төлөвшдөг. Учир нь боловсрол гэдэг бол зөвхөн оюун ухааныг хөгжүүлэх биш, харин хэрэгтэй хүн болгохыг хэлнэ. Харин сургууль бол шинэ чадвар эзэмших, зөв дадал зуршилтай болох сайхан боломж. Цэвэрлэгээ хийснээр хүүхдүүд орчноо цэвэрхэн байлгахаас гадна хамтарч ажиллаж сурдаг. Энэ үед хүүхдүүд хоорондоо ярилцах боломжтой болдог тул уйдна гэж байхгүй.

Японы нэгэн сургуулийн англи хэлний багш Майкл Ауслин "Сургууль бол зөвхөн номоос заах газар биш. Энд хүүхдийг нийгмийн гишүүн болгон бэлтгэдэг" гэжээ. Мэдээж хүүхдээ шал цэвэрлээд зогсож байхыг харах сайхан байхгүй. Гэхдээ япон эцэг эхчүүдийн хувьд ийм хичээлийг ойлгож, ач холбогдлыг нь үнэлдэг байна. Тэд хүүхдийн оюун ухааныг хөгжүүлэхээс гадна хүн чанар, нигүүлсэнгүй сэтгэлтэй болгохыг хүсдэг ажээ.


Японы бага сургуулиудад цэвэрлэгч байдаггүй  
Үзсэн: 1014 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2020-02-18 17:07
bid nar bagadaa angia tseverlej l usluu, odoo uyiin huuhduuded bol ajil ch suraad mungu ch hemneed sain l bn shdee yyaadiin, Mongol hugjihig huleene gevel jinhene modgui ternees huuhduudee bagaas ni hun shig bolgoj humuujuuleh heregtei tgj bj mongol hugjinu za!
Зочин [127.0.0.xxx] 2020-02-13 10:54
"Шал цэвэрлээд зогсож байхыг харах сайхан байхгүй". Эндээс монголчууд бидний үзэл ханхийтэл үнэртэж байна. Жаахан өмхийдүү үнэр дагалдана.
Зочин [127.0.0.xxx] 2020-02-12 16:14
Япон шиг эхлээд баян болж байж, үйлдвэрлэл хөгжүүлж, хүн ээлтэй орчинтой болж байж энийг дуурайх болохоос биш халтар царайлчихаад баян орнуудын сайхан харагдсан болгоныг наах гээд ядах нь тийм ч оновчтой санал биш шүү дээ. Хүмүүс өөрсдөө ариун цэвэрч байх гэдгийг л эндээс сурах болохоос бүх сургууль ингэнэ гэвэл үлгэрийн далай. Тэгээд ч манайд бага сургууль нь тусдаа байдаггүй. Жаахан учир зүйн гаргалтай юманд хандах хэрэгтэй байна шүү, монголчуудаа!
Зочин [127.0.0.xxx] 2020-02-11 18:26
БСШУСЯ-нд бол шахаагаар томилогдсон маанагууд ажилладаг болохоор ийм зүйлийг уншаад санаа аваад хийх чадвартай хүн байхгүй дээ. Гайгүй нэг нь юм сэдэж санаад хийх гэхээр нөгөөдүүл нь доор орчих гээд хийлгэдэггүй юм билээ. Томилогдож байгаа сайд нь мэргэжлийн бус бас л нэг худлаа ярьж шоудаж мэдэмхийрсэн хүн л байна ш дээ. Ер нь бусад яамдууд ч гэсэн ийм байдалтай байгаа. Ийм л байдалтай орон боловсролоосоо эхлээд л хэлэхд хөгжинө дэвжинэ гэхэд хэцүүхэн л байна. Ерөнхий сайд шудрага ёсыг тогтооно гэж хичнээн орилж дүрэмдээд ч нэмэр алга. Нөгөө л хүнд суртал тээг дарамт хэвээрээ
[127.0.0.xxx] 2020-02-11 18:10
za bolihuudaa huuhdeeree o ene terch geh shig
Зочин [127.0.0.xxx] 2020-02-11 12:30
Er ni yapon solongosiin alban gazar uildvert tseverlegch gej baidaggui uursduu uhamsraaraa 00 uruu bolon busad buh zuilee tseverletsgeedeg.

Бидэнтэй нэгдээрэй