Шууд Chart

Ерөнхийлөгч Х.Баттулга "Шинэ коронавирусийн халдвараас урьдчилан сэргийлэх тухай” зарлиг гаргалаа

2020-02-12 13:47:57

Цагаан сарын баярыг тэмдэглэхгүй байх, болзошгүй аюулаас урьдчилан сэргийлэх зорилгоор Монгол Улсын Ерөнхийлөгч Х.Баттулга зарлиг гаргалаа.

МОНГОЛ УЛСЫН ЕРӨНХИЙЛӨГЧИЙН ЗАРЛИГТ:

“Үндсэн хуулийн Гучингуравдугаар зүйлийн 1 дэх хэсгийн 3 дахь заалт, Монгол Улсын Ерөнхийлөгчийн тухай хуулийн 12 дугаар зүйлийн 12 дахь хэсэг, Үндэсний аюулгүй байдлын зөвлөлийн 2020 оны 2 дугаар сарын 11-ний өдрийн 07/05 дугаар зөвлөмжийг үндэслэн ЗАРЛИГ  болгох нь:

Дэлхийн олон улс болон манай хөрш БНХАУ-д шинэ коронавирусийн тархалт эрс нэмэгдэж байгаатай холбогдуулан 17 дугаар жарны Хотол төгс хэмээх төмөр хулгана цагаан сарын баярыг тэмдэглэхгүй байж, болзошгүй аюулаас урьдчилан сэргийлэх зорилгоор дараах арга хэмжээ авахыг Засгийн газарт чиглэл болгосугай:

1.1. Шинэ коронавирусийн тархалтын нөхцөл байдалтай уялдуулан хүн амыг урьдчилан сэргийлэх зорилгоор Гамшгаас хамгаалах тухай хуулийн Аравдугаар зүйлийн 10.1 дэх заалтад заасан гамшгаас хамгаалах бэлэн байдлын зэрэглэлийг үе шаттайгаар сонгон хэрэгжүүлэх шийдвэр гаргах.

1.2. Олон улсын хол хориот болон халдварт бусад өвчнөөс урьдчилан сэргийлэх, өвчин гарсан үед тархаахгүй байх, таслан зогсоох зорилгоор хорио цээрийн дэглэм тогтоох асуудлыг Засгийн газрын хуралдаанаар яаралтай журамлаж, мөрдүүлэх.

1.3. Цагаан сарын баярт зориулсан олон нийтийг хамруулсан үзэсгэлэн худалдаа, мэдээллийн хэрэгслээр явуулах реклам сурталчилгааг даруй зогсоох, хэвлэл мэдээллийн хэрэгслээр шинэ коронавирусийн халдвараас урьдчилан сэргийлэх иргэдийн үүрэг, хариуцлага, уг халдварын хор хөнөөлийг ухуулан ойлгуулах ажлыг хэвлэл, мэдээллийн байгууллагуудтай хамтран зохион байгуулах.

1.4. Дэлхий дахинд хүнээс хүнд, мал, амьтнаас хүнд халдварлах халдварт өвчин ихээр тархах болсонтой холбогдуулан Гамшгаас хамгаалах тухай, Эрүүл мэндийн тухай болон бусад хууль тогтоомжийг боловсронгуй болгох хууль тогтоомжийн төслийг боловсруулж, Улсын Их Хурлын хаврын чуулган, шаардлагатай бол ээлжит бус чуулганаар яаралтай горимоор хэлэлцүүлэх.

2. Шинэ коронавирусийн халдвараас урьдчилан сэргийлэх үүргээ ухамсарлан, нийтийн эрх ашгийг эрхэмлэхийг нийт ард иргэдэд уриалсугай” гэжээ.


Ерөнхийлөгч Х.Баттулга "Шинэ коронавирусийн халдвараас урьдчилан сэргийлэх тухай” зарлиг гаргалаа  
Үзсэн: 7461 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Chuka [127.0.0.xxx] 2020-02-13 22:42
Talarhaj baina vsgiinaldaatai bichsend uuchlaarai.
Chuka [127.0.0.xxx] 2020-02-13 22:39
Zuv talarhaj gains.
Зочин [127.0.0.xxx] 2020-02-13 04:56
ok2
Зочин [127.0.0.xxx] 2020-02-12 23:11
Хятад улсаас хятад иргэдийг оруулж ирэхгүй байх Орос улс хятадын иргэдийг хүлээж авахгүй л гэлээ
Zochin [127.0.0.xxx] 2020-02-12 20:49
Tiim shvv hubiin hebshil geheer monopol bij bolhgvi
Зочин [127.0.0.xxx] 2020-02-12 20:03
Surguuliin bagsh nar ene horio tseeriin uyer zaawal ajillah yostoi yu? Huwiin hewshil ghere sul tsalin uguhgui gj tsag burtgej ajilluuldag. Ene huwiin hewshil, ulsiin gsn yumnuuda boliochde. Bagsh nar ch gsn ur huuhed ger buldee anhaaral tawih heregtei!!! Tsuglaaj bolohgui gd bhd ajilluulj bgd 3 byatshan zurh zogsson. Iim yum hurtel bolchihood bhd huwiin surguuli uchras ajillana gd bga surguuliudiig boliulaach!!!!!!!!!!!!!
Зочин [127.0.0.xxx] 2020-02-12 17:04
Zuv shiidver gargajeee
Зочин [127.0.0.xxx] 2020-02-12 16:11
Хэзээ ямар шийдвэр гаргахаа мэддэггүй юм байна. Эрин цагтайгаа хөл нийлүүлээч ээ. Хэдэн сараар хоцорч байна даа
Зочин [127.0.0.xxx] 2020-02-12 15:05
ertxen ene sniidveree gargaxgvi de
Гэрэл [127.0.0.xxx] 2020-02-12 14:32
Баттулга гуай яст мэлхий шиг бна шүү хилээ хаахгүй юмуу.заавал ард түмэнээр шаардуулж байж шийдвэр гаргах юм даа
Зочин [127.0.0.xxx] 2020-02-12 14:06
Oyutolgoi bayajmaliig zogsoogooch.uragshaa garj l bn.owchon orj ireh magadlal ondor bn.
Zochin [127.0.0.xxx] 2020-02-12 14:06
Оройтсон ч гэсэн болж дээ
Зочин [127.0.0.xxx] 2020-02-12 14:01
Demjij bna

Бидэнтэй нэгдээрэй