Шууд Chart

Нийслэлийн авто тээврийн шалган нэвтрүүлэх байнгын ажиллагаатай товчоодод эрүүл мэндийн хяналт хийж байна 

2020-02-18 13:16:31

Нийслэлийн Засаг даргын “Халдварт өвчнөөс урьдчилан сэргийлэх талаар авч хэрэгжүүлж буй зарим арга хэмжээний тухай” А/166 дугаар захирамжаар нийслэлийн нутаг дэвсгэрт коронавируст “Covid-19” халдвараас сэргийлэх, илрүүлэх, хяналт, тандалт зохион байгуулах үүрэг бүхий эрүүл мэндийн хяналтыг авто тээврийн шалган нэвтрүүлэх найман товчоодод ажиллуулахаар шийдвэрлэсэн.

Энэ хүрээнд Нийслэлийн Эрүүл мэндийн газрын даргын 2020 оны “Шинэ коронавирусний халдвараас урьдчилан сэргийлэх үйл ажиллагааг эрчимжүүлэх тухай” А/07 тушаал гарч, 2020 оны хоёрдугаар сарын 7-ны өдрөөс эхлэн харьяа эрүүл мэндийн байгууллагуудыг хуваарийн дагуу эхлэн ажиллаж байна.

Авто тээврийн шалган нэвтрүүлэх найман товчоодод НЭМГ-аас НОБГ, НЦУГ, НМХГ-тай хамтран зохион байгуулж байгаа бөгөөд эрүүл мэндийн байгууллагаас доорх хуваарийн дагуу ахлан ажиллаж байна.

1. Хэрлэнгийн гүүр - Багануур дүүргийн Эрүүл мэндийн төв, ӨЭМТ /4/
2. Багахангай - Багахангай дүүргийн Эрүүл мэндийн төв, Сүхбаатар дүүргийн нэгдсэн эмнэлэг
3. Налайх - Налайх дүүргийн Эрүүл мэндийн төв, ӨЭМТ /4/
4. Эмээлт - Баянгол дүүргийн Эрүүл мэндийн төв, ӨЭМТ /23/, Наркологийн эмнэлэг
5. Баруун туруун - Сонгинохайрхан дүүргийн Эрүүл мэндийн төв, ӨЭМТ /32/, Сүхбаатар дүүргийн Эрүүл мэндийн төв, ӨЭМТ /20/
6. Морингийн даваа - Баянзүрх дүүргийн Эрүүл мэндийн төв, ӨЭМТ /27/, Энэрэл эмнэлэг
7. Гүнтийн даваа - Чингэлтэй дүүрэг, ӨЭМТ /16/
8. Өлзийт - Хан-Уул дүүргийн Эрүүл мэндийн төв, ӨЭМТ 15/–ийн эмч, эмнэлгийн мэргэжилтэн томилогдон ажиллаж байна.

Нийслэлийн Засаг даргын Тамгын газарт шуурхай штаб байгуулагдаж, энэ дагуу НЭМГ-аас томилогдсон албан хаагчид 24 цагаар үүрэг гүйцэтгэн Зам тээвэр, хөгжлийн яамнаас болон авто тээврийн шалган нэвтрүүлэх товчоодоос цаг үеийн мэдээлэл авч нэгтгэн, Нийслэлийн Онцгой комиссын удирдлагад тогтмол хүргэн ажиллаж байна.

2020 оны хоёрдугаар сарын 7-18-ны өдрийн байдлаар, нийслэлийн авто тээврийн шалган нэвтрүүлэх дээрх товчоодоор 57.259 тээврийн хэрэгсэл, 173.527 зорчигч нэвтэрсэн бөгөөд сэжигтэй тохиолдол илрээгүй.

Түүнчлэн дээрх хугацаанд 150 галт тэргээр 41469 зорчигч, нисэх онгоцоор 229 нислэг үйлдэж, 19585 зорчигч, автотээврийн үндэсний төвөөр 2156 тээврийн хэрэгслээр 40149 хүн тус тус зорчиж төмөр замаар 1, нисэх онгоцоор 6 сэжигтэй тохиодол илрүүлэн тусгаарласан байна.

Эх сурвалж: НЭМГ

 


Нийслэлийн авто тээврийн шалган нэвтрүүлэх байнгын ажиллагаатай товчоодод эрүүл мэндийн хяналт хийж байна   
Үзсэн: 356 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй