Шууд Chart

Багануурт тусгай зөвшөөрөлтэй аж ахуйн нэгжид хяналт шалгалт хийжээ

2020-02-18 14:20:59

Багануур дүүргийн Цагдаагийн хэлтэс, Онцгой байдлын хэлтэс, Мэргэжлийн хяналтын хэлтэс хамтран архи, согтууруулах ундаа худалдах, түүгээр үйлчлэх тусгай зөвшөөрөлтэй аж ахуйн нэгжид хяналт шалгалт хийжээ.

Уг шалгалтад 42 аж ахуйн нэгжийн 46 объект хамрагдсан бөгөөд үйлдвэрлэсэн огноо тодорхой бус “Жем Интернэйшнл” ХХК-ийн “Жем драфт” шар айрагны үйлдвэрт үйлдвэрлэсэн “CRAFT” шар айрагнаас найман ширхэг (20800 төгрөг бүхий) авч худалдааны лангуунаас татан авхуулж, буцаалт хийлгүүлжээ.

Шалгалтын явцад хууль бусаар үйлдвэрлэсэн, чанар, аюулгүй байдлын шаардлага хангаагүй архи, согтууруулах ундаа худалдсан, зөвшөөрөгдсөн цэгээс бусад газарт болон гар дээрээс худалдаалсан зөрчил илрээгүй ба энэ үеэр шинэ коронавирусний халдварын болзошгүй эрсдлээс урьдчилан сэргийлэх талаар мэдэгдэл хүргүүлж, мэргэжил арга зүйн зөвлөгөө өгч ажилласан байна.

Нийтэлсэн: У.Баярсайхан

Багануурт тусгай зөвшөөрөлтэй аж ахуйн нэгжид хяналт шалгалт хийжээ  
Үзсэн: 155 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй