Шууд Chart

Монгол Улсад коронавирусний 14 тохиолдол бүртгэгдлээ

2020-04-01 12:55:48

Коронавирусний тархалтын нөхцөл байдлын талаар ЭМЯ-наас өнөөдөр /2020.04.01/ ээлжит мэдээлэл хийлээ. 

- Монгол Улсад гаднаас зөөвөрлөгдөж ирсэн коронавируст (COVID-19 халдварын тоо 2-оор нэмэгдэж, нийт батлагдсан тохиолдлын тоо 14 боллоо.
- Тухайлбал, БНСУ-аас тусгай үүргийн онгоцоор зорчиж ирсэн буюу ХӨСҮТ-д тусгаарлагдаж байсан Туркийн хоёр иргэнээс коронавирусын халдвар илэрсэн байна.
- Эдгээр иргэдтэй ойрын хавьтал болсон 10 хүнийг ХӨСҮТ-д мөн тусгаарлаж, тандалт, судалгаа, хяналт, шинжилгээ, эмчилгээнд хамруулсан байна.
- Токио-Улаанбаатар чиглэлийн тусгай үүргийн онгоцоор зорчиж ирсэн, ХӨСҮТ-д тусгаарлагдаж байсан 25 иргэнээс халдвар илрээгүй байна.
- Улсын хэмжээнд уушгины хатгалгаа өвчнөөр оношлогдож, эмчлүүлж буй иргэдэд давхар хяналт тавьж, шинжилгээний сорьцыг аймаг, дүүргийн эмнэлгүүдээс цуглуулжээ. Нийт 23 сорьцонд шинжилгээ хийхэд халдвар илрээгүй байна.
- Өнөөдрийн байдлаар, ХӨСҮТ-д 221 хүн хяналт, тандалт, шинжилгээ, эмчилгээнд хамрагдаж байна.


Нийтэлсэн: Эрүүл мэндийн яам

Монгол Улсад коронавирусний 14 тохиолдол бүртгэгдлээ  
Үзсэн: 3261 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй