Шууд Chart

ДЭМБ-ын тэргүүн АНУ-ын ерөнхийлөгчөөс захидал хүлээн авснаа нотлов

2020-05-22 10:42:03

ДЭМБ-ын ерөнхий захирал Тедрос Аданом Гебреисус АНУ-ын ерөнхийлөгч Дональд Трампаас байгууллагынхаа үйл ажиллагааг Хятад улсаас хараат бусаар явуулахыг шаардсан агуулгатай захидал хүлээж авснаа нотолсон байна.

Тэрээр мягмар гарагт ДЭМБ-ын ээлжит чуулганы дараа сэтгүүлчдэд мэдээлэл өгөх хуваарьтай байсан ч Трамп ерөнхийлөгч түүнд захидал илгээснээ зарласны дараа хэвлэлийн хурлаа цуцалсан юм. Харин тэрээр өчигдөр Женев хот дахь ДЭМБ-ын төв байрандаа хэвлэлийнхнийг хүлээж авахдаа ДЭМБ АНУ-аас захидал хүлээж авсан, бид захидалыг судлаж байгаа гэдгээс өөр тайлбар өгөөгүй байна. Тэрээр өмнө нь АНУ-ын ерөнхийлөгчийг коронавирусний асуудлыг улс төржүүлэхгүй байхыг уриалж байсан. Трамп ДЭМБ-ыг Хятадын нөлөөтэй ажиллаж байна гэж буруутгаж, улмаар тус байгууллагад оруулдаг санхүүжилтээ зогсооно гэдгээ өнгөрсөн сард мэдэгдсэн юм.

Нийтэлсэн: Moнголын мэдээ

ДЭМБ-ын тэргүүн АНУ-ын ерөнхийлөгчөөс захидал хүлээн авснаа нотлов  
Үзсэн: 165 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй