Шууд Chart

Корнавируст халдвараас урьдчилан сэргийлэх, оношилгоо, эмчилгээний чадавхийг сайжруулах сургалтыг хийлээ

2020-05-22 15:31:06

Эрүүл мэндийн яамнаас корнавируст халдвар (COVID-19)-ын цартахлын хариу арга хэмжээ, эмнэлгийн тусламжийн бэлэн байдлыг хангах хүрээнд эмнэлгийн мэргэжилтнийг сургах, чадвахжуулах үйл ажиллагааг Дэлхийн эрүүл мэндийн байгууллагын дэмжлэгтэйгээр, Эрүүл мэндийн хөгжлийн төвтэй хамтран үе шаттайгаар зохион байгуулж байгаа билээ.



 

Энэ удаад орон нутгийн эрүүл мэндийн байгууллагын эрчим эмчилгээний эмчийн мэдлэг, ур чадварыг дээшлүүлэхэд чиглэсэн 2 өдрийн сургалтыг 21 аймгийн Бүсийн оношилгоо, эмчилгээний төв, Нэгдсэн эмнэлгийн эрчимт эмчилгээний тасгийн эмч нарыг хамруулан коронавируст халдвараас сэргийлэх, халдвар хамгаалал, оношилгоо, эмчилгээ, сэтгэлзүйн бэлэн байдал сэдэвт сургалтыг зохион байгуулж байна.



Мөн зайлшгүй тохиолдолд коронавируст халдварын үед дайчлагдах ажиллах 21 аймгийн 42 сувилагчийг Улсын нэг, хоёр, гуравдугаар төв эмнэлгийн эрчимт эмчилгээний тасагт ажлын байрны сургалтанд 5 хоног хамруулах юм.



Нийтэлсэн: Эрүүл мэндийн яам

Корнавируст халдвараас урьдчилан сэргийлэх, оношилгоо, эмчилгээний чадавхийг сайжруулах сургалтыг хийлээ  
Үзсэн: 182 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй