Шууд Chart

Авто тээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэрэг буурчээ

2020-05-26 13:20:09

Хөвсгөл аймаг нь 134371 хүн амтай бөгөөд аялал жуулчлалын онцгой бүс нутагт хамаардаг ба хүн ам, тээврийн хэрэгсэл, малын тоогоороо бусад аймгуудтай харьцуулахад өндөр түвшинд байдаг. Түүнчлэн зуны улиралд Хөвсгөл аймгийг зорин ирэх гадаадын болон дотоодын жуулчдын тоо эрс нэмэгдэж, түүнийгээ дагаад зам тээврийн осол, гэмт хэргийн гаралт ихсэх хандлага ажиглагддаг.

Энэ оны 05 дугаар сарын 20-ны байдлаар Авто тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг өнгөрсөн оны мөн үетэй харьцуулахад 28.5 хувиар буурсан эерэг үзүүлэлтэй байна.
Цагдаагийн байгууллагаас зам тээврийн осол, гэмт хэрэг зөрчлийн гаралтыг бууруулах чиглэлээр цаг үеийн нөхцөл байдалтай уялдуулан “Тээврийн хэрэгслийн техникийн бүрэн бүтэн байдал, гадна талын гэрэлтүүлэх хэрэгсэл”, “Ачааны автомашины бүрэн бүтэн байдал, ачаа тээвэрлэлт”, “Мотоциклийн бүртгэл” зэрэг нэгдсэн болон хэсэгчилсэн арга хэмжээг төрийн болон төрийн бус байгууллагатай хамтран зохион байгуулж, мөн зам тээврийн осол давтамжтайгаар үйлдэгддэг газруудад урьдчилан сэргийлэх, анхааруулах нөлөөллийн самбаруудыг байршуулан, замын цагдаагийн хяналтын постыг нэмэгдүүлж, хяналт шалгалтыг тогтмолжуулснаар дээрх төрлийн гэмт хэрэг, зөрчлийн тоо буурахад нөлөөлсөн байна.

Үйлдэгдэн гарч байгаа зам тээврийн осол, гэмт хэрэг нь согтууруулах ундааны зүйл хэрэглэсэн үедээ тээврийн хэрэгсэл жолоодох, хурд хэтрүүлэх, хамгаалах малгай бүс хэрэглэхгүй замын хөдөлгөөнд оролцох, бүрэн бус тээврийн хэрэгсэл жолоодох зэрэг нийтлэг шалтгаанаас үүдэлтэй нь тогтоогдоод байна.

Эх сурвалж:Хөвсгөл аймаг дахь Цагдаагийн газар


Авто тээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэрэг буурчээ  
Үзсэн: 211 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй