Шууд Chart

20 жилийн ойд зориулсан гэрэл зургийн цомог хэвлэгдлээ

2020-05-26 15:22:11

Гадаадын иргэн, харьяатын газрын 20 жилийн ойд зориулсан гэрэл зургийн цомог хэвлэгдэн гарлаа. Уг цомогт тус газрын үндэс суурь тавигдсан цаг үеэс өнөөдрийг хүртэлх байгууллагын түүхэн замнал, хөгжил дэвшил, ололт амжилт, бүтээн байгуулалт, үе үеийнхний дурсамж дурдатгалыг хадгалсан гэрэл зургуудыг багтаасан юм.

Уг гэрэл зургийн цомгийг Гадаадын иргэн, харьяатын газрын дарга Д.Мөрөн нийт албан хаагчдад гардуулан өгсөн бөгөөд тэрээр “Байгууллагын баганын чулууг тавилцаж, хөгжлийн замд түүчээлсэн ахмад буурлууд, тэдний залгамж халаа, үйл ажиллагааг үргэлжлүүлэн ажиллаж байгаа та бидний хийсэн, бүтээсэн бүхэн маань нэгэн цаг үеийн түүх юм. Байгууллагын түүх, бүтээн байгуулалт, ховор, мартагдсан түүх, дурсамжийг хадгалсан гэрэл зургуудыг оруулахад сэтгэл гарган ажилласан нийт албан хаагчдадаа талархал илэрхийлье” хэмээн онцоллоо.

Эх сурвалж: ГИХГ


20 жилийн ойд зориулсан гэрэл зургийн цомог хэвлэгдлээ  
Үзсэн: 298 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй