Шууд Chart

БНХАУ-аас Монгол Улсад Суугаа Элчин Сайд Чай Вэньрүйг хүлээн авч уулзав

2020-06-04 15:37:22

2020 оны 6 дугаар сарын 3-ны өдөр Гадаад харилцааны сайд Д.Цогтбаатар БНХАУ-аас Монгол Улсад суугаа Онц бөгөөд Бүрэн эрхт Элчин сайд Чай Вэньрүйг хүсэлтээр нь хүлээн авч уулзав.

Уулзалтаар COVID-19 цар тахлын нөхцөлд хоёр улсын харилцааг, ялангуяа эдийн засгийн хамтын ажиллагааг хэрхэн сэргээн идэвхжүүлэхэд анхаарал хандуулж, өндөр, дээд түвшний харилцан айлчлалуудын үеэр хоёр улсын удирдлагын түвшинд хүрсэн тохиролцоог хэрэгжүүлэхийн төлөө алдсан цаг хугацааг нөхөж идэвхтэй хамтран ажиллахад талууд бэлэн байгаагаа харилцан илэрхийлэв.

Түүнчлэн бүс нутгийн хамтын ажиллагаа, аюулгүй болон тогтвортой байдлын асуудлаар санал солилцож, харилцан ойлголцож хамтран ажиллах бүрэн боломжтойг талууд цохон тэмдэглэв. Гадаад харилцааны сайд Д.Цогтбаатар, энэ чиглэлээр олон улсын хууль эрхзүйн хүрээнд хамтран ажиллахдаа баяртай байх болно гэж мэдэгдэв.


БНХАУ-аас Монгол Улсад Суугаа Элчин Сайд Чай Вэньрүйг хүлээн авч уулзав  
Үзсэн: 270 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй