Шууд Chart

Санамж бичигт гарын үсэг зурлаа

2020-07-02 13:53:00

Боловсрол, соёл, шинжлэх ухаан спортын яам, Японы Хүүхдийг ивээх сан “Орон нутгийн өсвөр үеийнхэнд хувь хүний чадвар, энтрепренершипийн боловсрол олгох” төсөл хэрэгжүүлэхэд хамтран ажиллах санамж бичиг байгууллаа.  

Дэлхийн банкны итгэлцлийн сан болох Японы нийгмийн хөгжлийн сангаас санхүүжүүлэх  тус төсөлд хамтран ажиллах санамж бичигт Боловсрол, соёл, шинжлэх ухаан, спортын дэд сайд Г.Ганбаяр,   Хүүхдийг ивээх сангийн Суурин төлөөлөгч Л.Баян-Алтай нар гарын үсэг зурлаа.

БСШУС-ын дэд сайд Г.Ганбаяр, “Залуучууд дипломтой, мэргэжилтэн болсон ч яг ажлын байран дээр очиход чадвар дутагдаж байна гэх шүүмжлэл хурцаар тавигддаг. Цаашдаа боловсролын реформын хэмжээнд очих ажилд, санаачилга гарган ажиллаж байгаад талархал илэрхийлье. Энэ төсөл “амьд” үр өгөөжтэй болно гэдэгт итгэлтэй байна” гэлээ.  

Энэхүү төсөл нь өсвөр үеийн хүүхэд, залуучуудад хувь хүний ур чадвар, олгох замаар сурлагын амжилтыг сайжруулж, цаашлаад хөдөлмөр эрхлэлтэд бэлдэх юм. Төслийн үр дүнд хүрэхийн тулд сургуульд болон хөдөлмөрийн зах зээлд өндрөөр үнэлэгддэг хувь хүний ур чадваруудыг олгох сургуульд суурилсан, орон нутгийн залуучууд өсвөр үеийнхний оролцоотой хөтөлбөрийг нэвтрүүлнэ. Ингэснээр хөдөлмөрийн зах зээлийн хязгаарлагдмал боломж болон уламжлалт мал аж ахуй, цалин хөлсгүй хөдөлмөр, хувиараа хөдөлмөр эрхлэлт давамгайлсан албан бус хөдөлмөрийн салбараас үүдэлтэй өсвөр үе, залуучуудын дунд буй идэвхгүй байдлыг арилгахад хамгийн их хэрэгцээтэй энтрепренер болон хувь хүний ур чадварыг төслийн хүрээнд олгох юм.

Эх сурвалж: БСШУСЯ


Санамж бичигт гарын үсэг зурлаа  
Үзсэн: 144 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй