Шууд Chart

Москва хотод коронавирусний халдварын тохиолдол 90 хувиар буурчээ

2020-07-30 12:12:30

ОХУ-ын нийслэл, Москва хотод иргэд шинэ коронавирусээр өвчлөх тохиолдол эрс буурч байна. Тус хотын дарга халдварын оргил үетэй харьцуулахад шинэ халдварын тохиолдлын тоо 90 хувиар буураад байгааг хэлжээ.

Москва хотын дарга Сергей Собянин ОХУ-ын ерөнхийлөгч Владимир Путинтэй уулзах үедээ Оросын нийслэл дэх “Ковид-19” халдвар эрс буураад байгааг хэлсэн байна. Тэрээр халдварын оргил үетэй харьцуулахад Москва хотод иргэд “Ковид-19”-ийн халдвараар өвчлөх нь 10 дахин буураад байгааг онцолжээ.

Москва хотод өдөрт 6500 халдварын шинэ тохиолдол бүртгэгдэж байсан үе байгаа бол одоо шинээр халдвар авагсдын тоо 700-аас хэтрэхгүй байна. Өнөөгийн энэхүү нөхцөл байдал цаашид нэг сар үргэлжлэхээр байгааг Сергей Собянин яриандаа дурдсан байна.

Нийтэлсэн: Moнголын мэдээ

Москва хотод коронавирусний халдварын тохиолдол 90 хувиар буурчээ  
Үзсэн: 1347 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй