Шууд Chart

Сээр нуруутан зэрлэг амьтдын тоо толгой 68 хувиар хорогджээ

2020-09-15 15:54:15

Сээр нуруутан зэрлэг амьтдын тоо толгой 50-хан жилийн дотор 68 хувиар хорогджээ. Энэ байдал цаашид хэвээр үргэлжилбэл байгаль ертөнцөө аврахад хэдийнэ хожимдоно гэж экологичид анхааруулж байна. Энэхүү түгшүүрт мэдээллийг Дэлхийн байгаль хамгаалах сангийн баримтад тэмдэглэжээ.

Шинжээчид 4392 төрөлд хамаарах 20 мянга гаруй сээр нуруутан зэрлэг амьтны популяцийн мэдээлэлд дүн шинжилгээ хийжээ. Гэтэл 1970-2016 онд дундаж популяцийн тоо 68 хувиар багассан байна. Өөрөөр хэлбэл, нийт амьтны бараг гуравны хоёр нь устаж үгүй болжээ.

2010 оны тайлангаар 1970 оноос хойш нийт популяцийн 50 хувь нь устсан гэсэн бол 2012 онд энэ үзүүлэлт 58 хувь болсон гэнэ. Амьтдын тоо толгой буурах болсон гол шалтгаан нь тэдний амьдрах орчин болох ой модыг тайрч устгах, газар хагалах, гол мөрнүүдэд далан босгох зэрэг хүний үйл ажиллагаатай холбоотой. Үүн дээр анчид, тэр дундаа хулгайн анчид амьтны тоо толгой багасахад тодорхой хувь нэмэр оруулдаг гэж Дэлхийн байгаль хамгаалах сангаас мэдээлжээ.

Нийтэлсэн: Mонголын радио

Сээр нуруутан зэрлэг амьтдын тоо толгой 68 хувиар хорогджээ  
Үзсэн: 175 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй