Шууд Chart

“1000 инженер- ажлын байр-II” нээлттэй өдөрлөг зохион байгуулна

2020-09-16 13:00:02

Боловсрол, шинжлэх ухааны яамны харьяа “Инженер, технологийн дээд боловсрол” төсөл АПУ ХК-тай хамтран ажиллах гэрээ байгууллаа. “1000-инженер” төслийн Коосэн болон Бакалаврын хамтарсан хөтөлбөрийн төгсөгчдийг ажлын байранд зуучлах талаар гэрээнд тусгажээ.

Коосэн хөтөлбөрийн анхны төгсөгчдөөс тус компанид ажиллаж, мэргэшсэн өндөр чадвартай болохоо харуулж байгаад баяртай байгаагаа компанийн зүгээс дуулгасан. Төслийн хүрээнд инженер технологийн мэргэжил эзэмшсэн төгсөгчдөд компанийн үүд хаалга нээлттэй гэдгийг тэд онцоллоо.

“Инженер, технологийн дээд боловсрол” төслийн хувьд 2020 оны 04 дүгээр сард Коосэн хөтөлбөрийн 24, хос дипломтой төгсдөг Бакалаврын хамтарсан хөтөлбөрийн 44 оюутан сургуулиа амжилттай төгсөж өдгөө эх орондоо ирээд байна. Төслийн зүгээс төгсөгчдөө ажлын байранд зуучлах зорилгоор 2019 онд “1000 инженер-ажлын байр” өдөрлөгийг амжилттай зохион байгуулж өнгөрсөн оны төгсөгчид 100 хувь ажлын байртай болсон. 2020 оны төгсөгчдөө ажлын байранд зуучлах зорилгоор “1000 инженер- ажлын байр-II” нээлттэй өдөрлөгийг хоёр дахь жилдээ ирэх 10 дугаар сард зохион байгуулахаар төлөвлөн бэлтгэл ажил хийж байна гэж БШУЯ-наас мэдээллээ. 


“1000 инженер- ажлын байр-II” нээлттэй өдөрлөг зохион байгуулна   
Үзсэн: 290 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй