Шууд Chart

Гарааны бизнес эрхлэгчдэд менторшип хөтөлбөрийг хамтран хэрэгжүүлэх санамж бичиг байгууллаа

2020-09-16 17:38:32

Нийслэлийн Шинжлэх ухаан, үйлдвэрлэл, инновацын газрын дарга Б.Мөнх-Оргил, Монголын сансрын судалгаа, хөгжүүлэлтийн төв ТББ-ын гүйцэтгэх захирал Г.Амгаланбаяр нар өнөөдөр “Улаанбаатар инновацын төв”-ийн инкубатор компаниуд, дундын оффисын гишүүд, гарааны бизнес эрхлэх хүсэлтэй иргэд, олон нийтэд бизнесийн үйл ажиллагааны явуулахад шаардлагатай мэдлэг, ур чадвар олгох мэргэжлийн зөвлөх үйлчилгээ үзүүлэхийг бодлогоор дэмжиж хамтран ажиллахаар харилцан ойлголцлын санамж бичигт гарын үсэг зурлаа.

Хамтын ажиллагааны хүрээнд Монголын сансрын судалгаа, хөгжүүлэлтийн төвийн МАРС-ВИ төслийг дэмжиж, сансрын технологийг эзэмших, өндөр технологийг дотооддоо бүтээх, энэ салбарын боловсон хүчнийг бэлтгэх, эрдэм мэдлэгийг түгээн дэлгэрүүлэхэд Улаанбаатар инновацын төв, Баянхошуу болон Сэлбэ дэд төвүүдийг түшиглэн дэмжлэг үзүүлж хамтран ажиллах, инновацын төвүүдэд бойжиж буй гарааны компаниудыг чадавхжуулах сургалт, зөвлөх үйлчилгээ, хамтарсан төсөл хөтөлбөр хэрэгжүүлэх зэрэг ажлыг хоёр жилийн хугацаанд хамтран хэрэгжүүлэх юм.

Дэд төвүүдэд тулгуурлан гарааны бизнес эрхлэгчдийг дэмжиж ажиллах бодлогыг баримталж энэхүү санамж бичгийг байгуулж байгаагаараа онцлог аж. Цаашид хамтын ажиллагааны хүрээнд гарааны бизнес эрхлэгчдийн үйл ажиллагааг дэмжих, бизнесийн орчинг сайжруулан, нийслэл Улаанбаатар хотын хөгжлийн төлөө хамтран ажиллахаа талууд энэ үеэр харилцан илэрхийлэв.

НИЙСЛЭЛИЙН ШИНЖЛЭХ УХААН, ҮЙЛДВЭРЛЭЛ, ИННОВАЦЫН ГАЗАР


Гарааны бизнес эрхлэгчдэд менторшип хөтөлбөрийг хамтран хэрэгжүүлэх санамж бичиг байгууллаа  
Үзсэн: 168 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй