Шууд Chart

Японы сайд нарын шинэ танхимын рейтинг өндөр байна

2020-09-19 12:08:02

Суга Ёшихидэ тэргүүтэй Японы сайд нарын шинэ танхимын нэр хүнд дотооддоо өндөр байгааг "Киодо" агентлагийн явуулсан судалгаа гэрчилж байна. Санал асуулгад оролцогчдын 66.4 хувь нь шинэ Засгийн газрыг дэмжиж байгаагаа илэрхийлсэн бол 16.2 хувь нь л итгэл хүлээлгэхгүй байгаагаа илэрхийлжээ.

Хэдийгээр энэ удаагийн санал асуулгыг арай өөр хэлбэрээр зохион байгуулсан ч 2012 оны 12 сард үүрэгт ажилдаа орсных нь дараахан авсан судалгаагаар Абэ Шинзогийн Засгийн газрын авч байсан 62 хувийн дэмжлэгтэй харьцуулахад шинэ Засгийн газрын гараа сайн байна гэж ажиглагчид тодорхойлж байна.

Суга Ёшихидэ Ерөнхий сайдын хувьд засаг захиргааны шинэтгэл, тоон технологийн хөгжлийн асуудлыг холбогдох яамдын сайд нартай хэлэлцэж эхэлснээр ажлаа эхлүүлсэн тухай мэдээлэл ирж байна. 

 

Нийтэлсэн: Moнголын мэдээ

Японы сайд нарын шинэ танхимын рейтинг өндөр байна   
Үзсэн: 251 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй