Шууд Chart

Хүндийн өргөлтийн шоу буюу “Стронг мэн” маргааш болно

2020-09-25 09:27:07

Дэлхий даяар хурдацтай хөгжиж, олныг хамарч буй спорт бол пауэрлифтинг. Манай оронд энэ спорт анх дэлгэрсэн цагаас амжилтын буухиа тасраагүй. Зөвхөн сүүлийн таван жилээр дүгнэвэл манай тамирчид тив, дэлхийн аварга шалгаруулах тэмцээнээс аваагүй медаль гэж үгүй.

Хүн төрлөхтөний цэнгэлийн манлай паралимпийн наадмаас хүрэл медаль хүртэж, өдгөө тив, дэлхийн дээд амжилтыг тогтоож буй.

Тэгвэл Монголын пауэрлифтингийн нэгдсэн холбооноос талын Монголын хүчтэнг шалгаруулахаар энэ цагийн шилдэг 10 залуугийн дунд “Стронг мэн” шоу тэмцээн зохион байгуулахаа зарлалаа.

Уг тэмцээн Яармаг дахь “Мөнххада Тоёота”-гийн талбайд маргааш 12:00 цагт болох юм байна.

Тамирчдын эхний сорил нь газраас татах төрөлд 200 литрийн хоёр ширхэг пошигтой тосыг тавцанд байрлуулж өрсөлдөнө.

Дараа нь 20 литрийн 10 ширхэг торхтой тосыг өндөрлөсөн тавцанд цагтай уралдан байрлуулж буцаан буулгана. Эцсийн даалгавар нь “Ланд круйзер 200” авто машин ачсан том оврын тээврийн хэрэгсэлийг чирэх төрлөөр өрсөлдөх юм.

Нийтэлсэн: У.Баярсайхан

Хүндийн өргөлтийн шоу буюу “Стронг мэн” маргааш болно   
Үзсэн: 157 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй