Шууд Chart

150 сумны шарх авсан ч амьд үлдсэн эр...

2020-10-30 12:35:35

Жо Кларк гэгч 33 настай англи эр 150 сумны шарх авсан ч амьд гарсан нэгэн азтай тохиолдлын тухай өгүүлсү. Нэгэн өдөр хоёр үл таних этгээд түүний гэрийн үүдэнд ирж хонхыг нь дараад, гарч ирэнгүүт нь шууд буудаж эхэлсэн байна. Кларкийг зугтмагц түүний ар нуруу руу галлаж, бараг л сархинаг болгожээ. Харин хөршүүд нь түүнийг гэртээ оруулж амийг нь аварсан байна. Уг халдлага болсноос найман сарын дараа таван залууг дээрх хэрэгт сэжиглэн баривчилжээ.

Гэвч шүүгчдийн зүгээс цагдаа нар эд мөрийн нотлох баримт цуглуулахдаа хууль бус арга хэрэглэсэн гэж үзсэн учраас сэжигтнүүд суллагдсан аж. Жо Кларк ярихдаа, түүний нуруу одоог хүртэл өвдсөөр байгаа бөгөөд эмч нарын үзэж байгаагаар маш олон тооны шарх нь түүний насыг даруй 25 насаар богиносгосон байна. Өөр нэгэн хачирхалтай тохиолдол гэвэл Израилийн Алон тосгоны оршин суугч, 52 настай Пински гэгч цээжиндээ М-16 винтовын сумны шарх авснаа огт мэдэлгүй хоёр хоног явжээ.

Тэрбээр найз нартайгаа гэрийнхээ үүдэнд ярилцаж байтал цээжин тус газар нь цохих шиг болжээ. Хаа нэгтэйгээс шидсэн жижиг чулуунд оногджээ гэж бодсон Пински цамцаа тайлан харвал цээжинд нь жижигхэн шарх байв. Хоёр хоногийн дараа Афула хотын «Эмек» гэдэг эмнэлэгт хандахад эмч нар жижиг чулуу бус сум байсныг тогтоожээ.


150 сумны шарх авсан ч амьд үлдсэн эр...  
Үзсэн: 390 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй